Vawiin a\angin zirna In hawn a ni dawn; SSA Serchhip in zirlaibu semchhuak leh mek

Academic Session thar (2019-2020) atan Vawiin a\ang hian zirna In hrang hragte hawn \an a ni leh dawn ta a, SSA Mission, Serchhip District chuan zirlai naupangte hnena zirlaibu a sem tur chu a thawhkhatna atan a semchhuak zo tawh bawk.

Hun engemaw chen Mizoram sawrkar in Mizoram-a zirna In te \an hun a ti hma hnuah Vawiin-a Academic Session thar \an tur a\angin Mizoram-a zirna In te \an hun chu tih tlai a ni dawn ta a, sawrkar in ruahmanna a siam ang chuan zirna In te hi zing dar 9:00-ah \an tur a ni anga, pawl san dan indawtin an ban hun erawh a inang dawnlo thung a, Primary School (Class-I to IV) te chu zing dar 9:00-ah \anin dar 2:00-ah an bang anga, Middle School (Class-V to VIII) te chu zing dar 9:00-a \anin dar 3:00-ah an bang anga, High School leh Higher Secondary School (Class-IX to XII) te chu zing dar 9:00-ah \anin chawhnu dar 3:30-ah an bang ang. Serchhip District chhunga zirna In hrang hrangte pawh Vawiin a\ang hian hawn \an a ni dawn a, Mizoram sawrkar in School \an hun tur a bithliah hi zawm vek tura beisei niin engemaw bik avanga zawm theilo tur an awm anih chuan Education Department thuneitute hnena in hriattir tura tih an ni a, amaherawh chu nimin thleng khan zirna In \an hma tura in hriattir erawh an awmlo tih Serchhip-a Education Department hotute chuan an sawi a ni.

Hetihlai hian SSA Mission Serchhip District chuan kumdanga an lo tih tawh \hin angin kumin atan zirlaibu an sem leh dawn a, a thawhkhatna tur chu nimin khan Serchhip a\angin pekchhuah kim a ni. SSA Mission Serchhip District hian Serchhip District chhunga sawrkar School, Adhoc School leh Deficit School-a pawl 1 a\anga pawl 8 zirlai naupangte hnenah zirlaibu hi sem tura tih niin Private leh Lump-sum School te chu pek an ni dawnlo thung a, Academic Session thar atana zirlai naupang awm zat tur hi hriat theih ala nih loh avangin nikum lama zirna In hrang hranga naupang an neih dan zulzuiin zirlaibu hi pekchhuah a ni. Serchhip District chhunga Primary School 65 leh Middle School 59-a zirlai naupangte hnenah zirlaibu hi sem tura ruahman niin pawl 1-ah zirlai 457 te hnenah zirlaibu hi sem tura ruahman a ni a, pawl 2-a zirlai 600, pawl 3-a zirlai 354 leh pawl 4-a zirlai 346 te hnenah zirlaibu hi sem a ni dawn a, pawl 5 leh 6-ah zirlai 706, pawl 7-ah zirlai 759 leh pawl 8-a zirlai 739 te hnenah zirlaibu hi semchhuah a ni dawn a ni a. Pawl 1 a\anga pawl 5 thleng te chu an zirlaibu zawng zawng pek tura ruahman niin pawl 6, 7 leh 8-ah te chuan Subject 6-ah \heuh zirlaibu hi pek an ni dawn a, zirlaibu \henkhat te erawh ala rawn thlen kim loh avangin pekchhuah theih ala ni lo a, tuna la pekchhuah theihloh te hi a thawh hnihna ah semchhuah leh tur a ni ang.