MJA Serchhip District member ten Tuirial HEP hnathawh dan an zirchiang

Mizoram-a Kawlphetha siamchhuahna lian ber, Tuirial Hydro Electric Project chu Ningani khan MJA Serchhip District member te chuan tlawhin helai hmuna hnathawh dan an zirchiang a. Helai hmun enkawltu ten Kawlphetha siamchhuak tura hna an thawh dan kimchang takin an lo hrilh a ni.

Mizoram sawrkar, Information & Public Relations Department bultuma Kawlphetha MW 60 pechhuak thei Tuirial Hydro Electric Project (THEP) tlawhtu Serchhip District MJA Member te hi NEEPCO SDO, Er. Lalsanglura Pachuau leh Er. Samuel Lalthanmawia ten lo dawngsawngin, Tuirial HEP chungchang kimchang taka lo hrilhin, a hmunah khawl hrang hrang te fanpuiin, khawl hnathawh dan hrang hrangte an hrilh nghal zel a. Er. Lalsanglura Pachuau chuan Tuirial HEP siamna atan hian cheng vaibelchhe 1400 dawn ruahman a ni a, hetah hian tuikhuahna bakah kawng laihna leh building sakna te a tel vek tih a sawi a, tunah hian Tuirial HEP a\angin Electric Power siam chhuah reng ni tawhin, khawl pahnih hmangin 30 MW ve ve, 60MW siam chhuah theih ni mahse Mzioram sawrkar P&E Department-a SLDC-in ruahmanna siam angin 20MW vel siam chhuah mek a ni, a ti a. Kawlphetha an siamchhuah theih zat aia tlem siam chhuah a nihna chhan chu, |hal lai a nih avang leh an tuikhuah a tui awmsa hmanga vawikhata siamchhuah nghal \euha a hnua tui harsatna awm leh thei thei veng chunga power hi siam chhuah zat hi ruahman a nih thu leh Fur ah chuan tam zawk siam chhuah a nih tur thu a sawi a. Helai hmun a\anga Power an siam chhuah zawng zawng hi Mizoram tan pek a nih thu sawiin, inremna angin zaa 12 chu Mizoram sawrkarin a thlawnin a dawng a, a bak chu Unit khat Rs.4.55-in Mizoram sawrkarin a lei tih a sawi a, rate hi chu a danglam \hin tih sawiin, darkar 24 chhungin darkar 8 chhung power hi siam chhuah a nih thu a sawi bawk.
Tuirial lui khuah a nih avangin tuikhuah hnâr lam KM 85 thleng vel tui hi a tling a, tuikhuahna tlângpui hi a bul\hut metre 400-a zau niin, a innghahna hi lei hnuai lam metre 5 thleng laih a ni a, a ko tlang chung lam chu metre 40-a zau niin, tuikhuahna tlangpui chhungah hian lirnghing nat zawng tehna te, a khuahna hmun a chet leh chet loh te leh a awmdan hrang hrang enna khawl 128 zet phum tel niin, chung khawl hmang chuan a dinhmun vil reng a nih thu a sawi a. Tuikhuah hi Lei hmanga a khuahna siam niin tuikhuah san zawng hi meter 75 a ni a, a tui tlinna tur lam hi Lung hmanga uluk taka thuah vek niin a lehlam erawh hnim \o nan siam a ni thung.
Er. Lalsanglura Pachuau chuan Tuirial HEP ang hi Mizoram-ah pahnih dang te siam leh theih nise chuan Mizoram chu Power Supply-ah intodelh theih a beisei thu a sawi a, 800MW siam theihna tur Lungreng khuah theih a nih phei chuan state danga hralhchhuah tham a tharchhuah theih dawn tih a sawi bawk.
Zawhna chhangin Er. Lalsanglura Pachuau chuan Tuirial HEP-a tuikhuah chu khualzin te hip tura siam tumna ala awmlo nia a hriat thu leh venhimna \ha tak hnuaia enkawl mek a nih thu a sawi a. Tuirial lui-ah hian Sangha man-a eizawng mi \hahnem tak an awm thu leh tlawhtu pawh an awm \hin thu a sawi a.NEEPCO chuan a bulhnai khua te tan CSR kaltlangin cheng vbc. 1.3 chuang an hman thu a sawi bawk.
Tuirial HEP hi kum 1998 a\anga thawh \an a ni a, harsatna tawh anih avangin June ni 9, 2004 a\ang khan chawlhsan a nih hnuah Project cost te revised a nih hnuah Mizoram sawrkar hmalakna in bul \an \hat leh a ni a, January ni 14, 2011 a\ang khan hna thawh chunzawm leh niin North-Eastern Hydro Electric Power Corporation Ltd. (NEEPCO)  ten he Project siam hna hi an thawk a. Hna thawh tur hrang hrang te thawh zawh a nih hnuah Dec. 16, 2017 khan Prime Minister, Narendra Modi chuan Aizawl Sipai Lammual a\angin am lo hawng tawh a ni.

Comments

Popular posts from this blog

PAN CARD an tih teh fo hi - Laldinpuia