NH. 6 siam dan tur sawiho

/
Seling leh Champhai inkar kawngpui NH. 6, a ruala lirthei pali (4) tlan theihna tura siam hna thawktu turte chu nimin khan Transport Minister, TJ. Lalnuntluanga chuan a Office-ah a kawm a.
He hna thawktu tur National Highways and Infrastructure Development Corporation Limited (NHIDCL) General Manager, Sanjeev Jain leh Mizoram PWD (Highway) EE, Robina te he hunah hian telin lamlian sialna tur DPR chu thla hnih (2) chhung vela peihfel hman tum a nih thu leh hna hi kum thum chhung vela zawh an in beisei thu Sanjeev Jain chuan a sawi a. Kawngpui KM khat (1) zela thui siam nan cheng vbc. 18-19 vel beisei a nih thu a sawi bawk. He hunah hian Minister chuan he hna hlawhtling taka zawh a nih theih nan State sawrkar in theihtawp chhuaha hmalakpui a inhuam thu a sawi bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »