Mizoram Statistical Handbook tlangzarh a ni

Mizoram Statistical Handbook 2018 leh Meteorological Data of Mizoram 2018 chu nimin khan Aizawl-a Directorate of Economics and Statistics Conference Hall-ah Economics and Statistics Department-a Director, Lalchhuanawma Hrahsel chuan a tlangzarh a.

Mizoram Statistical Handbook hi Directorate of Economics & Statistics chuan kum khat dan zelah an ti chhuak \hin a, tun \uma tlangzarh hi Series 22-na niin Mizoram a Department hrang hrang ten Mizoram hmasawnna tura an hmalakna leh dinhmun tarlanna lehkhabu a ni a. A bu chhunga Statistics Data te hi Directorate of Economics & Statistics ten Department hrang hrang a\anga an lakkhawm a ni a. Mizoram ei leh bar dinhmun kum 2018 leh a hmalam tarlan a ni. Mizoram Statistical Handbook 2018 hi Department hrang hrang te, Research bei mek te, khualzin te tan a \angkai \hin hle tih sawrkar thuchhuah chuan tarlangin, Mizoram sik leh sa dinhmun te, zirna lam te, hriselna chung-chang te leh sum leh pai dinhmun te tarlan a ni.

Statistical Handbook Report in a tarlan danin chhiarpui hnuhnung ber neihah Mizoram-ah mi 10,97,206 an awm a, mipa 5,55,339 niin hmei-chhia 5,41,867 an awm a, Kum 2017 ah naupiang mi 21,431 an awm a, mithi 6,191 an awm a ni.