Serchhip SP in NGO leh MPF hruaitu kawmin khawtlang ralmuanna tur a sawipui

Serchhip District Superintendent of Police (SP), Shashank Jaiswal chuan nimin khan Serchhip Sub-Hqrs. YMA hruaitute leh MPF hruaitute a Office-ah kawmin khawtlang nun ralmuang kan neih theihna tura hmalakna tur hrang hrangte a sawipui.

Nimin-a Serchhip SP Office Chamber-a an inkawmna hunah hian SP, Shashank Jaiswal chuan tlawmngai pawl te chu Dan leh thupek kenkawhna kawngah Police peng pakhat ang maia \angkai an nih thu sawiin, khawtlang tana an \angkai bakah Police te tan ngei pawh an \angkai thu a sawi a. Mizoram-a NGO te chu India ram hmundanga NGO te aia fakawm zawk an nih thu leh mipuite tana thawktu tak tak an nihna chu an fakawmna nia a hriat thu a sawi a. Hetianga mipuite tana thawk nasa NGO hi India ram hmundang ah ala hmuh ngailoh thu leh thawhpui pawh nuam a tih thu a sawi bawk.

Zu leh ruihhlo dona kawnga YMA te hmalakna chu lawmawm a tih thu pawh SP chuan sawiin, a theih anga thawhho a nih tur thu a sawi a. India ram bakah Mizoram-ah pawh ruihhlo in \halai tam tak nunna a suat \hin chu pawi a tih thu sawiin, hmundanga alo awm tawh \hinna ah pawh ruihhlo dona ah a taka hma a lo lak tawh \hin thu a sawi a. Chutiang bawkin Mizoram-a a awm chhung pawha hmalak a duh thu sawiin, YMA te hemi kawnga hmalatu tur, Sub-Hqrs. Anti-Drug Squad (SADS) an din chu lawmawm a tih thu a sawi a. Puih an ngaihna laiah pawh sawihreh nei lo tur leh theihtawp a chhuah tur thu a sawi bawk.

Kan hma lawka Lok Sabha inthlanpui lo awm tur chungchang pawh sawiin SP chuan Mizoram inthlan boruak muanawm tak a awm \hin chu lawmawm a tih thu leh India ram hmun-danga hmuh tur awm ngailo Mizoram People Forum (MPF) din a ni chu lawmawm a tih thu a sawi a. An hmalakna avanga inthlan boruak muanawm tak neih \hin a ni chu lawmawm a tih thu pawh a sawi a. MP inthlan lo awm turah boruak ralmuang leh muanawm tak hnuaia mipuiten Vote an thlak \heuh theihna tura Dan leh thupek kengkawhtute \awiawm \ha lehzual tura NGO hruaitute sawmin, a bikin Zu leh ruihhlo dang avanga harsatna thleng thei ven hna thawhpuiah a sawm a, Serchhip-a NGO hrang hrang te chu Serchhip Police te tha tichak a, hun kal tawhah thawhho \ha tak an lo neih tawh ah lawmthu a sawi bawk.  He inkawmhona ah hian Serchhip Sub-Hqrs.YMA President leh NGO Coordination Committee President ni bawk, R. Sanghmingthanga leh MPF Serchhip District President, Rev. H. Lalawmpuia bakah Police Department lam a\angin Addl. SP, PC. Lal\anpuia, Dy. SP (Hqrs.) Ramfangzauva, SDPO David Bynadaolai bakah RO, Biakchhuma te an tel a. An ngaih pawimawh hrang hrangte sawihona an nei zui nghal bawk a ni.