MPSC Mobile Application thar tlangzarh a ni

Mizoram Public Sevice Commission (MPSC) Mobile Application ‘MIPUSEC’ chu a duh leh mamawh apiang te hman turin nimin khan MPSC, Mini Examination Hall, New Secretariat Complex, Khatla, Aizawl-ah MPSC Chairman, Zosangliana Colney in a tlangzarh.
MIPUSEC tlangzarhna puala inkhawm hi K.Lalrinkima, Jt.Secretary, MPSC in a kaihruai a, Mobile Application tlangzarhtu MPSC Chairman, Zosangliana Colney chuan JESDA te \hahnemngaihna leh inpekna avanga a thlawna he Mobile Apps an siam chu lawmawm a tih thu sawiin, JESDA leh MPSC thawktute \anrualna avanga \halai hna zawng mek ten awlsam taka hnaruak awm dil theih te an hriat zung zung theihna tur system thar \ha a nei chu \halai leh mipui vantlang tan pawh thil \angkai tak anih ngei a beisei thu a sawi a. MPSC Mobile Application ‘MIPUSEC’ chu a duh leh mamawh apiang ten an hman turin a tlangzarh a ni.
He hunah hian Mobile Apps develop tu, JESDA a\angin Technical Report ngaihthlak a ni a, MPSC Secretary, Dr. Lalzirmawia Chhangte in JESDA Chairman, Dr. F. Chanchinmawia hnenah Document pawimawh leh Completion Certificate a hlan nghal bawk.
Nimin a tlangzarh tak MPSC Mobile Application hi Android OS Kitkat Version 4.4 a\anga Pie Version 9.0 hmang te tana duan phawt a ni a, Google Playstore a\angin he application hi download theih tura duan a ni a. Hemi apps hmang hian MPSC website ah url chhu kherlo in hnaruak awm te a hriat zung zung theih dawn a, thingtlang kilkhawr zawk a\ang pawhin he mobile apps hmang hian information awlsam zawka hriat theih tura duan a ni.

Comments

Popular posts from this blog

PAN CARD an tih teh fo hi - Laldinpuia