Thli tleh vangin In 40 chuang a chhia

Nimin zing dar 9:00 vela Vairengte leh a chhehvel khua-a thlipui na tak tlehin chenna In 41 a tih chhiat bakah Power line leh ban engemaw zat a chhe bawk.

Mizoram leh Assam inrinna vel khaw hrang hrang te chu nimin zing dar 9:00 vel khan thli na takin a nuai a, Vairengte-II ah chenna In 6 chhiain, Saipum khuaa In 20 vel chhiaah In 4 chu luahzui tlakloh in a chhia a, Saiphai-ah In 8 vel chhiain 3 chu luahzui tlak a ni lo bawk a, Phaisen-ah In 2 a chhia a, Phainuam leh Bairabi bakah khaw \henkhat ah te pawh In chhia a awm nual bawk a ni. Heng khua a mi \henkhat te chuan he thli tleh hi kum 40 chhunga a nat ber \um nia an hriat thu an sawi a, kawng sira Two Wheeler park pawh a chhem tlu nual niin an sawi bawk.

He chhiat tawh avang hian Vairengte Joint VC leh Joint YMA te hmalakna in a theih anga chhawmdawl hna thawk turin nimin khan khawtlang huap hnatlang koh a ni a, Veng tinah chhiattawk te chhawmdawl hna thawh niin Vairengte SDO (C), Isaac Lalrempuia chuan chhiat tawhna hmun te fangkualin, chhawmdawl hna thawh dan tur a en a, Bialtu MLA, Lalrinsanga pawh a bial chhunga chhiattawk chhawmdawl dan tur, a hmuna en turin nimin khan Vairengte a thleng nghal a ni.