Lok Sabha inthlanpui a thil fello chungchangah Tetea Hmar Agent in complain a thehlut ve leh

Lok Sabha inthlanpuia ZPM leh MPCC thlawp Independent Candidate, Lalnghinglova Hmar Agent, Lalhnehzauva chuan Lok Sabha inthlana thil fello chungchangah Complaint siamin Ningani khan CEO Office-ah a thehlut a, CEO hi a zin avangin Joint CEO, H. Lianzela’n a lo dawng a ni.
Mizoram CEO hnena lehkha a thehluh ah hian Lalhnehzauva chuan Jt. CEO leh DEO (Lunglei District) te chuan Thorang bial-a Rangte leh Dengsur-a Presiding Officer in candidate te Sl. No. a tihsual leh Polling Station hrang hranga an tarchhuah chu an pawm nia sawiin, District Election Officer hnenah Complaint siam nghal a nih thu leh tun thlenga Chief Electoral Officer (CEO) a\anga hmalakna la awmlo chu lungawi thlakloh a ti tak zet tih a tarlang a. Inthlanni hun tawp thlenga Polling Station \henkhatah Candidate te Serial Number diklo a tarlan hmuh tur ala awm nia sawiin, mipui vote thlak tur, ziak leh chhiar thiamlo tam takin serial number hmanga vote an thlak avanga an chhiatpui theih thu a sawi bawk a ni.
Hei bakah hian Vanglaini Chanchinbu-in Party pakhat symbol a tihsual palh avanga Independent Candidate, Lalnghinglova Hmar insawifiah tura Show Cause Notice a pek huntiam chhung ralhma, April 11, 2019 tlai dar 3:15-ah he inthlanna a Returning Officer in Aizawl Police Station a thehluh thu leh Lalnghinglova Hmar in tlai dar 2:15-a Show Cause Notice envelope inchar thlapa a dawn hma daiha Social Media a a darh thu pawh lehkha ah hian tarlan a ni a. Hemi chungchangah hian Joint CEO, H. Lianzela chuan, Returning Officer hnenah Vote thlak zawh hma chu Show Cause Notice emaw, eng thil pawh Lalnghinglova Hmar chungchangah hmalakna lo nei hrih lo tur a an hriattir ngei thu Lalnghinglova Hmar Election Agent, Lalhnehzauva bakah ZPM leh MPCC hruaitute leh a hmun a awm Journalist te awm laiin a sawi bawk.
He huna tel ve MPCC leh ZPM hruaitute chuan CEO Office leh Returning Officer te chu an hmalak danah ngaihpawimawh bik an nei nia an ngaih thu Jt. CEO hnenah sawiin, an complaint-na te chu chak taka bawhzui turin an ngen a. Jt. CEO chuan a rang thei ang bera complaint lut chu lo en a bawhzui an tum thu MPCC & ZPM hruaitute chu a lo hrilh bawk a ni.

Comments

Popular posts from this blog

PAN CARD an tih teh fo hi - Laldinpuia