BSNL Office khar sak

Lawngtlai-a Mobile/Broadband Network \hat loh lutuk avanga Central YLA hmalakna in awmzia a neih loh avangin Lawngtlai-a BSNL Office chu nimin a\ang khan tiamchin awm lova kharsak an ni.

Hemi chungchanga Central YLA thuchhuahah chuan, "Kum engngemaw chen Lawngtlai-a inbun tawh, hmasawn tumlo BSNL hnenah hian Central YLA chuan vawi tam tak ngenna siam tawhin an Office pawh kharsak an lo ni tawh a. An service upgrade na tur atan agreement siam a nih hnuah hawn sak leh an ni a. Amaherawh chu an agreement anga Lawngtlai-a an service-in hmasawnna a neih loh avangin Central YLA chuan ngenna a siam nawn leh a. Mahse, Central YLA ngenna in ngaihpawimawh a hlawh loh avangin April 29, 2019 hian tiamchin awm lovin kharsak leh an ni," an ti.

Central YLA chuan agreement satliah mai maiah lungawi an tum tawh lo tih pawh sawiin, Lawngtlai mipuite lungawina tur an hmuh hma chu an tawlhsawn tawh dawn loh thu leh, BSNL Office kharsak an nih avanga harsatna tawk zawng zawngte hriatthiamna a ngen thu thuchhuah ah chuan an tarlang bawk.