Inthlang turin Mizoram inpeih thawkhat tawh

April ni 11-a Lok Sabha leh Aizawl West-I Bye-Election lo awm tur atan ruahmanna peih thawkhat anih tawh thu Mizoram CEO, Ashish Kundra chuan a sawi.

Mizoram Chief Electoral Officer, Ashish Kundra chuan tun dinhmun ah Service Voters mi 450 velin vote an thlak tawh thu sawiin, inthlanna a hman tur hmanraw hrang hrang te a awmna turah thawnchhuah an nih tawh thu leh District Election Officer te chu inthlanna a \ul ang ang te ruahmana felfai taka siam tura hriattir an nih tawh thu a sawi a. Hmeichhia te'n hlauhthawn nei miahlo leh lungmuang taka vote an thlak theih nana ruahman, Hmeichhe hlang enkawl, Dingdi Polling Station chu Assembly Constituency tina Polling Station zaa 10-ah dah vek a ni dawn tih a sawi a. Heng Polling Station-ah hian Polling Staff bakah Police leh Security zawng zawng chu hmeichhia vek an ni dawn a ni. MP inthlan ah hian MLA inthlanpui aiin Polling Station venhim ngai zual leh Counting Hall bakah Strong Room te a tlem dawn zawk avangin venhim hna thawk tura State pawn a\anga chahluh, Central Armed Police Force te a hma anga tam rawih an ni tawh dawn lo tih a sawi bawk.

Lok Sabha leh Aizawl West-I Bye-Election lo awm turah hian mipuite vote thlakna tur, Polling Station 1164 ruahman niin, heng zinga 11 te hi Polling Station thar, Newly Apporved Polling Station te an ni a. Mizoram-ah hian vote nei mi 7,84,405 an awm a, heng zingah hian mipa 3,81,991 awmin, hmeichia 4,02,408 an awm a, Service Voters mi 4513 an awm bawk a ni.