MAMSOL in Sawhthing lei hnem tawh

Mizoram Agriculture Marketing Solution (MAMSOL) chuan kum 2017 a\ang khan Mizoram hmun hrang hranga Sawhthing chingtute thar chhuah an leisak \hin a, 2017 a\anga kumin April ni 10 thleng khan Sawhthing quintal 15610 an leisak tawh.

MAMSOL Managing Director, Zorema Darkim chuan, Mizoram-a Sawhthing chingtuten hralhna an hriat loh vangin Sawhthing te hi an le tih sawiin, kg. khat Rs. 30-40 inkar velin an lei sak tlangpui tih a sawi a. Sawhthing an leite chu Patel Ginger & Co., Siliguri, West Bengal hnenah an hralh leh \hin tih sawiin, Aizawl, Champhai leh Serchhip District-a mite thar chhuah an lei deuh ber tih a sawi bawk.

MAMSOL hotute chuan, MAMSOL chu Partnership firm a nih thu sawiin, a tirah Sawhthing, Aieng, Hmarcha, etc. chingtute hnenah Apex Bank-in Agriculture loan an pe tih an sawi a, “Loan hmanga an Sawhthing chinte chu hralhna an hriat leh si loh vanga \anpui an ngaih tak avang leh Bank tan sumdawn a rem si loh avangin, Sawhthing lei khawl turin Parnership Firm kan din a, March 2017 a\ang khan kan leisak \an a ni,” an ti a. Mizoram hmun hranga Sawhthing chingtute chu zirtirna pek chhoh an tum thu pawh sawiin, an Sawhthing thar chhuahte hralh tlaka a Sawngbawl dan an thiam theih nan zirtirna an pe dawn tih a sawi a. Tuna Sawhthing an tharchhuah te chu an sawngbawl thiam loh vangin quintal tam tak an tichhe \hin tih a sawi bawk.

MAMSOL hian kum 2017 khan Sawhthing quintal 1,500 an lei a, kum 2018-ah quintal 12,110 leiin, kumin ah January leh April 10 thlengin quintal 2000 an lei tawh a ni.