SKBC in Badminton-a hlawh-tling te chawimawina hlan

Serchhip Kawnpui Badminton Club chuan tunhnaia Mizoram Badminton Association (MBA) Official Championship vawi 34-na leh Inter-District Team Championship vawi 18-na neih zawh taka an Players lawmman la te chawi-mawina hun Inrinni khan an nei.
Serchhip Kawnpui Badminton Club in an player te chawimawina hun Serchhip-VII VC Hall-a an buatsaih hi an President, Vanlalhruaia chuan kaihruaiin he hun hmanpuitu Serchhip District Badminton Association (SIDBA) President, John Zorammawia chuan SKBC ten hlawhtlinna an chang chu an lawmpui thu a sawi a. Team enkawltute, players te leh an nu leh pa te chungah lawmthu sawiin, Serchhip District Sports Committee hnuaia Sports discipline hrang hrangte zingah Badminton chu hmathlir nei \ha ber pawl nia an inhriat thu leh intihhlimna ni lovin, naupang te talent chherchhuak tura nasa taka hma an lak thu a sawi bawk.
March 19 a\anga 23, 2019 chhunga Ramhlun Indoor Stadium-a neih 34th MBA Official Championship leh 18th Inter-District Championship-ah hian Serchhip Kawnpui Badminton Club a\ang hian Category 14-ah Badminton khel thiam mipa 9 leh hmeichhia 7 bakah puitling-ah mi 4 leh anmahni \awiawmtu mi 4 an kal a. SKBC a\anga kal te hian Under-11 Boys-ah champion lawmman lain R. Lallian-puia chu a champion a ni.
SKBC a\anga kal te hian Category 4-ah pahnihna lawmman lain Under-11 (Boys)-ah Malsawmhlua, Under-15 (Boys)-ah C. Lalrohlua, Under-13 (Girls)-ah Lalrempuii leh Under-15 (Girls)-ah Abigail Lal\hazuali te chu pahnihna an ni a. Semi Final thlenna Category dang 2 neiin Under-17 (Girls)-ah Lalremfeli leh Under-13 (Girls)-ah Abigail Lal\hazuali te chuan Semi Final an thleng a, Under-15 (Girls) Team-ah pahnihna lawmman an la bawk a ni.

Comments

Popular posts from this blog

PAN CARD an tih teh fo hi - Laldinpuia