Inthlan zawhah Bru lalet turin ruahmanna siam tum

Mizoram sawrkar leh NGO Coordination Committee te inremna angin Tripura Relief Camp a Bru awmte laklet hna thawh tum a ni a, a hun erawh chu bithliah a la awm lo.

Home Department a\anga thudawn dan chuan tun thla ni 3 zan a Chief Secretary, Lalnunmawi Chuaungo leh sawrkar Official-te leh NGO Coordination Committee te inremna anga thil kalpui tum a ni a. Heta an inremna avang khan April ni 11-a Mizoram Lok Sabha bial khat inthlanna leh Aizawl West-I Assembly bye-election boycott an tum chu NGO Coordination Committee chuan an \hulh ta a. Khata an inremna kha sawrkar chuan tih hlawhtlin ngei a tum thu Home Department Official-te chuan an sawi a. Bru laklet leh \an hun tur erawh chu inthlanpui a zawh hma chuan sawi theih a nih loh thu leh inpuahchahna atan hun engemaw chen chu a duh dawn thu an sawi a ni.

Hetihlai hian tunhnai khan Bru laklet chungchang leh Relief Camp-a an dinhmun thli-thlaitu, Joint Monitoring Group chu Delhi-ah an \hukhawm a. Hetah hian sawrkar laipui lam chuan inthlanpui zawh veleh a Bru laklet hna hi kalpui nghal an duh thu an sawi a. Mizoram sawrkar aiawhte chuan sawrkar laipuiin ruahmanna a siamte ziaka an dawn huna bawhzui nghal an tum thu an sawi a. Chutih rualin Relief Camp-a awm Bru hote’n sawrkar laipui a\anga an dawn tur an dawn theihna atana lehkha pawimawh an neih tur leh Bank Account an hawn kim hunte thlir a ni dawn a. Tun dinhmunah hian sawrkar laipui chuan Tripura Relief Camp a awmte tana eitur leh pawisa a pek hi September ni 30 thleng pe tura thutlukna siam a nih thu dawn a ni.