Mizoram CEO in lawmthu sawi

Mizoram Lok Sabha inthlanpui neih zawh tak chungchangah Mizoram CEO chuan lawmthu a sawi.
Mizoram CEO chuan mipuite aiawha Parliament a \hu tur thlanna, Lok Sabha General Election neih zawh taka vote thlak tura lo thawk chhuak zawng zawng te chungah lawmthu a sawi a, Voters te leh inthlan buaipuitu Official zawng zawngte \hahnemngaihna avang leh khua leh tui \ha an nih anga an tih tur an hlen avangin Lok Sabha Inthlanpui hmasa zawk aiin vote tla a tam phah nia sawiin, abik takin kum upa lam leh rualbanlo te zingah vote a tla \ha ni a a hriat thu a sawi a, \halaite pawhin \umdang aiin vote an thlak tha ni a a hriat thu a sawi a, hmalam huna Inthlanpui la neih leh zel turah pawh \hahnemngai taka thawkchhuak \hin turin Mizoram mipuite a chah nghal bawk.
Lok Sabha inthlanpui neih zawh takah khan Mizoram-a Vote nei mi 7,87,777 zinga mi 4,97,091 in vote an thlak a, hei hi za zelah 63.10 a ni a. Mipa vote nei 3,83,603 zinga 2,43,954 (63.60%) in vote an thlak a, hmeichhe vote nei 4,04,169 zinga 253762 (62.79%) in vote an thlak a ni. Mizoram chhunga Assembly Constituency 40 zingah Lawngtlai East-ah vote a tla chhe ber a, vote nei 24,183 awmin an zinga 12,438 in vote an thlak a, hei hi za zelah 51.43 a ni. Vote tlak \hat berna bial chu West Tuipui niin vote nei zawng zawng 15,063 zinga 11,276 in vote an thlak a, hei hi za zelah 74.86 a ni.

Comments

Popular posts from this blog

PAN CARD an tih teh fo hi - Laldinpuia