Kumin chhunga Tripura Relief Camp khar tum avangin Total Bandh \hulh a ni - Vanlalruata

Central YMA President, Vanlalruata chuan Mizoram NGO Coordination Committee in April 8, 2019 a\anga Total Bandh neih an tum chu kumin chhung ngeia Tripura Camp khar tum a nih avanga \hulh an nih thu a sawi.

Nimin a Serchhip P&E Veng YMA Hall-a Serchhip Sub-Hqrs. YMA Rorel Inkhawm neih a hmanpuina ah he thu hi sawiin NGO Coordination Committee Chairman ni bawk Vanlalruata chuan nikum-a Mizoram in MLA inthlanpui a neih dawna Mizoram rawn tlawhtu Election Commission of India-a Chief Election Commissioner chuan Tripura Relief Camp-a awm te chu Electoral Roll a\anga paih vek theih an ni tih a sawi thu leh hei hi State sawrkar hmalakna tur a nih thu a sawi niin a sawi a. Hei vang hian inthlanna neih leh huna buaina kan tawh lohna turin hma an lak nghal thu leh nikum December thlaa Electoral Roll siam \hat hna thawh ah khan mi 12,000 vel chu paih turin dan anga Form an fill-up thu a sawi a. Amaherawh chu he Form an thehluh hi a hlawma tih a nih avanga pawm sak an nih loh thu leh Camp-a awm ten a hlawma inthunluh an dilna thehluh a\angin mi 140 vel chu thun an ni leh tho si niin a sawi bawk.

Central YMA President chuan Tripura Relief Camp-a awm Bru te aia tam zawk Mizoram chhungah Tuikuk an awm thu pawh sawiin, heng mite hian harsatna an tawk lo tih a sawi a, hei vang hian Lok Sabha inthlanpui lo awm tura Kanhmun-a Special Polling Station siam chu \ha an tihloh thu sawiin, Total Bandh pawh huaihawt tum an nih thu a sawi a. Amaherawh chu sawrkar lam hotute nen inkawmna an neih ah sawrkar lam aiawhte hian vawikhat chiah hun pe leh tura an ngen avang leh Tripura Relief Camp-a awm te hi kumin ah laklet hun siama chumi hun chhunga let duhlo te chu Electoral Roll a\anga paih an nih dawn thu an sawi avangin Total Bandh neih an tum chu \hulh leh an ni tih a sawi a. Hemi chungchang hi NGO Coordination Committee hian ziak ngeia dah duh mah se Election Model Code of Conducts avanga ziaka dah theih a nih loh avang leh ring tura an tih avanga ring ngam an nih thu a sawi a. He an thusawi ah hian an ding lo a nih chuan a \ul anga hma an lak zui leh dawn thu a sawi bawk.