YMA ten In sak \hat tum

Serchhip Kawnpui North Branch YMA chuan an huamchhunga Hmeithai pakhat chenna In tur sak sak tumin nimin khan a In luahlai chu an \hiah sak.
Serchhip Kawnpui North Branch YMA te hian an Branch huamchhunga Hmeithai pakhat, mahni-a khawsa mek chu chu a chenna In chu luah zui tlak a nih tawh loh avang leh In hi a chhiat tawh avanga a In neitu pawhin a luah ngam tawhloh avanga sak \hat tumin nimin khan hnatlang in he In hi an \hiat a. He hnatlang ah hian mi 70 vel thawkchhuakin In hi an \hiah hnuah a sak hna pawh hi an thawh chhunzawm nghal tur thu an sawi bawk.
Serchhip Kawnpui North Branch YMA hruaitute chuan he In sakna atan hian sum neihsa an neih loh thu leh In neitu hi Housing For All hnuaia In sak \anpuina dawng tur zinga thlan a nih bakah Chief Minister Housing Scheme hnuaiah sum leh pai pawh hmuh theih an in beisei thu an sawi a. Hei bakah hian Serchhip-VII VC ten a theih anga \anpui bawk an tum avangin In sak hna hi thawh an tum ta tih an sawi a. In hi Assam Type-a sak an tum thu leh an sak zawh hmaloh chuan hnatlang hi neih zui an tum thu an sawi bawk.

Comments

Popular posts from this blog

PAN CARD an tih teh fo hi - Laldinpuia