MP pakhat hian thil a ti thei a ni - PRISM Candidate

Lok Sabha inthlanpui neih tura PRISM Party in an Candidate, TBC. Lalvenchhunga chuan, “MP pakhat thil tih theih inhriat duh chuan min thlang rawh u, ka hmuhtir ang che u,” a ti.
Nimin a Champhai-a Street Campaign a neih ah PRISM Party Candidate, TBC. Lalvenchhunga chuan ‘MP pakhat lekin engmah tak tak a ti theilo’ tih sawi a ni \hin tih sawiin, “MP pakhat hian thil a ti thei khawp mai. A thil tih theihzia inhriat duh chuan min thlang tling rawh u, ka hmuhtir ang che u,” a ti a. Mizo mipui ten huaisen taka ngaih-dan kan siam a hun tawhzia sawiin, “Tling tura kan rin ni lo, tling tura kan duh ngeiah vote i thlak ngam ve tawh ang u,” a ti bawk.
PRISM Party Candidate chuan nikum a MLA inthlanpui neih ah alo din ve tawh thu leh a Vote hmuh chu nuihza siamna atan pawh lo hmang an awm thu a sawi a, amaherawh chu Mizoram hmangaih avang in zak lovin a rawn dingchhuak leh tih a sawi a, “Tunah hian political party pawn lam a\anga sawm chhuah chawp ni lo candidate ka ni. Keimah chiah hi party chhung a\anga candidate, politician awmchhun ka ni. In vote min pe ula ka kum 5 hun hi pek che u ka inhuam a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia