EVM hman tur buatsaih fel

Lok Sabha inthlanpui neih tura Serchhip District in Vote thlakna khawl, Electronic Voting Machine (EVM) a kawl mek te chu niminpiah khan hman theih tura buatsaih a ni.
Serchhip District in Vote thlakna khawl- Electronic Voting Machine (EVM) leh Voter Verifiable Paper Audit Trail (VVPAT) a kawl mek te hman theih tura buatsaihna (Commissioning) hun hi Serchhip DC Conference Hall-ah Serchhip District Election Officer, Sangchhin Chinzah, MCS kaihhruaina in neih a ni a, he hunah hian Serchhip District-a Vote thlakna khawl dahna (Strong Room) te chu hawngin a chhunga EVM leh VVPAT te chu lachhuakin hman theih tura enfiah a ni a, he hun hi Serchhip-a Political party hrang hrang aiawhte bakah Chuauhnuna, Dy. DEO, Vanlalhma-chhuana, Election Officer leh Election Official mi pawimawh dang ten an telpui a, EVM siam tu Company- Electronics Corporation of India Limited (ECIL) Engineer mi 6 ten Vote thlakna khawl te hi an enfiah a ni.
Serchhip District-ah hian vote thlakna hmanrua Ballot Unit (BU) 122, Control Unit (CU) 121 leh VVPAT 113 kawl mek a ni a. Heng a\ang hian Lok Sabha inthlanpui a hman tur te chu Computer hmangin thlanfel alo ni tawh a, 26-Serchhip (ST) A/C-a hman turin Ballot Unit-23 (Reserve-8), Control Unit-23 (Reserve-8) leh VVPAT-23 (Reserve-7) ruahman a ni a. 27-Tuikum (ST) A/C-a hman turin Ballot Unit-29 (Reserve-16), Control Unit-29 (Reserve-16) leh VVPAT-29 (Reserve-12) ruahman niin, 28-Hrangturzo (ST) A/C-a hman turin Ballot Unit-25 (Reserve-12), Control Unit-25 (Reserve-12) leh VVPAT-25 (Reserve-9) ruahman a ni a. Heti hian Serchhip District chhunga Polling Station 87-a hman turin Ballot Unit–77 (Reserve-36), Control Unit–77 (Reserve–36) leh VVPAT–77 (Reserve–28) ruahman niin Awareness Campaign leh Training atana hman turin Ballot Unit 9, Control Unit 8 leh VVPAT 8 dah a ni bawk.

Comments

Popular News (Last 30 Days)

A hun pangngai ah Pavalai Intawhkhawmna neih tum a ni

LPG man bithliah thar a ni