Serchhip District SP tharin MJA member te kawmin District hmasawnna tur an sawiho

Serchhip District Superintendent of Police thar, Shashank Jaiswal IPS chuan nimin khan Serchhip District MJA member te a Pisa-a lêng-ah sawmin inhmelhriatna hun a neihpui a. Serchhip District tana an ngaih pawimawh hrang hrang an sawiho bawk.

Serchhip District SP thar chuan Mizoram nuam a tih thu leh Mizote zinga chên nuam a tih thu sawiin, Mamit a\angin Serchhip-a rawn sawn a nih thu a sawi a. Sawrkar hnathawk chu sawn kual theih an nih thu leh mahse hrehawm a tih loh thu leh hmun hrang hranga sawn an nih chuan mi chi hrang hrang an tawng a, hmun tam zawkah, mi tam zawk tan hna an thawh theih phah tih a sawi a, Mamit District Hospital-a Ambulance an neih loh pawh TATA Trust hnenah ngenna siamin, nimin khan Ambulance hi Mamit District Hospital chuan an dawng tih a sawi bawk.

He inkawmhona ah hian Serchhip District-a Arm license nei zat 897 a\angin Inthlanpui avanga Silai tung tura tih ah Silai tung 752 an awm tawh thu sawilan niin hei hi za zela 83.83 a ni a, Silai la tung lo te tan silai a la tun theih reng a nih thu leh sawrkar thu zawmlo a Silai tung lo te chungah a \ul anga action lak a nih tur thu tarlan a ni a. Serchhip District chhunga Police te inzarpharh zelah tunah hian Chhingchhip-ah Police Out-Post hawn tum a nih thu leh hemi atan hian VC ten a thlawna building an luah hawhtir dawn thu bakah DGP a\angin approval nghah mek a nih thu sawilan a ni a, chhiatrupna thlen thulha chet lak dan tur zir turin Mizoram Police (MRP) 30 te hming thehluh a nih tawh thu leh inthlan zawh lamah training tura tirh tum a nih thu te sawilan a ni bawk.

Hei bakah hian tualchhung chanchinbu mite chuan Serchhip Bazar-a Police Beat awmna hmun chu fuh tawklo nia an hriat thu pawh sawiin, Police hotute chuan Beat Post atan mimal In chu man chawia an luah thu sawiin, hmundang remchang a awm a nih chuan kawhhmuh turin an ngen a, Serchhip Bazar building remchang lai pawh siam theih dan awm se \ha an tih thu sawiin, Police indaihlohna te pawh sawiho a ni a. Lok Sabha inthlanpui neih tur atan inbuatsaihna kalpui mek a nih thu pawh he hunah hian sawilan niin State pawn a\anga rawn duty tur ang te chu an rawn thlen tawh thu leh Khawzawl a\anga 2nd IR Bn. rawn kal turte pawh rawn thleng mai tura beisei an nih thu tarlan a ni bawk.

He huna SP \awiawmtu PC. Lal\anpuia MPS, Addl. SP chuan thil hralh awlsam rûkbo a tam avangin mipuite chu thilruk an lo lei avanga thubuai an awrh theih avangin thil rûk nia rinhlelh thil reng reng te lei lo tura a duh thu a sawi a. Man tlawm lutuk a thil zawrh chu ruk nia rinhlelh theih a nih thu a sawi bawk.