Sports Minister in sawrkar laipui dawr

/
Mizoram Sports Minister, Robert Romawia Royte chuan nimin leh niminpiah khan Union Sports Secretary, RS. Julanaya; DoNER Secretary, Inderjit Singh leh NCC Director, Lt. Gen. Rajeev Chopra te kawmin Mizoram tihhmasawn dan turte a sawipui.
Sports Secretary nen an inkawmna ah hian Robert Romawia Royte chuan Mizoram-a SAI Complex din chungchang te, Mizoram Sports Department in Projects hrang hrang Ministry a submit tawhte a sawipui a. DoNER Secretary Inderjit Singha hnenah pawh DoNER budget tlem lutuk chu tihpun a \ul thu sawiin, DoNER Guidelines thar anga Sports hmasawnna DoNER leh NEC in a ti thei ta lo chu thil awm ang lo lutuk leh DoNER leh NEC dinchhan kalh thei hial anih thu hrilhin, siam\ha turin a ngen a. DoNER Ministry in sanction danphung a ti harsa lutuk chu a diklo nia sawiin, a rawngbawlsak tur NE States te chu a tuar mektu an nih thu a sawi bawk.
DoNER Secretary pawhin DoNER Ministry budget tilian tura \an a lak tur thusawiin, Sports pawh DoNER emaw, NEC emaw ngaihpawimawh bik (thrust area) a dah leh tura hmalak anih tur thu Minister hi a hrilh bawk. Sports Minister hian NCC hotu, Lt. Gen. Rajeev Chopra pawh hmuin Tuirial hmuna NCC training-na tihhmasawn dan tur leh NCC sum hmanga Mizoram-a Football Tournament liantham buatsaih te an sawi dun bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »