Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Vote chhiar turin ruahmanna siam mek a ni

Mizoram Lok Sabha inthlanpui neiha Vote tla te chu Strong Room-a dahluh fel a nih hnuah Vote tla te chhiar dan turah ruahmanna siam mek a ni.
Mizoram Lok Sabha inthlanpui neiha Vote thlakna atana hman EVM leh VVPAT te hi Ningani-a Vote thlak zawhfel a nih hnuah District tina Strong Room-ah lakkkhawm nghal niin a thleng tlai ber Lunglei District-a Bandiasora Polling Station-a duty-te chuan Zirtawpni tlai dar 3:00 vel khan Lunglei an thleng a, EVM te hi venhimna khauh tak hnuaiah dah niin thla thar May 23 khian ramchhung hmundanga Vote tla te nen a ruala chhiar tur a ni anga. May ni 23-a vote chhiar a nih hma chu heng Strong Room hrang hrang hi uluk taka ven a ni dawn a ni.
Hetihlai hian Lok Sabha inthlan bika vote tlate chhiar dan tur hi ruahmanna pawh siam mek niin District hrang hranga Counting Hall 24-ah a ruala chhiar tura ruahman niin May ni 23 zing dar 8:00 a\anga chhiar \an a ni dawn a. Aizawl District bikah chuan vote hi Mualpui-a R. Deng\huama Indoor Stadium leh Treasury Square-a Assembly Annex Building-a Counting Hall 8-ah chhiar a ni ang. Mamit-ah chuan Counting Hall 2-ah, Kolasib-ah chuan Counting Hall 1-ah, Champhai-ah chuan Counting Hall 3, Serchhip-ah Counting Hall 2, Lunglei-ah Counting Hall 4, Lawngtlai-ah Counting Hall 3 leh Siaha-ah Counting Hall 1-ah te vote hi chhiar a ni dawn a. Aizawl West-I bial Bye-Election-a vote tlate chu Govt. Aizawl College-ah chhiar a ni ang.

Comments

Popular News (Last 30 Days)