MHIP inthlang theilo in nghawng nei zel

Mizo Hmeichhe Insuihkhawm Pawl (MHIP) chuan Nilaini-a an pawl Gen. Hqrs. Office Bearers an thlan theih loh chungchanga mawhphurtu chhui chhuaka a \ul anga hma laksak turin Aizawl Police Station-ah FIR an thehlut.
Thudawn danin, Nilaini zan khan MHIP Gen. Hqrs. hruaitute chu Aizawl-a an Office-ah \hukhawmin tunhnaia hruaitu thlanna neih an tum leh Court thu anga an thlan theihloh dan an thlirho a. Inthlan chuh tuma hming pekluhte chu khawih chingpen ngei nia an hriat avangin Aizawl Police Station-ah FIR thehluh nise an ti a, hemi zan la la khan FIR hi an thehlut nghal a ni.
Hetihlai hian Aizawl Dawrpui leh Zarkawt Branch MHIP te chuan MHIP Gen. Hqrs. an zawmna Ningani khan an chhu chat a. He thu hi Ningani khan thuchhuah siama sawiin Dawrpui leh Zarkawt Branch MHIP chuan, hun rei tak a\anga Mizo Hmeichhe Insuihkhawm Pawl zahawm tak tihbawrhban a ni fo chu pawi an tih thu leh an ngaithiam theih lo tih an tarlang a. Heng thil zahthlak tak te hi tunhnuah thleng tawh lo se an tih thu sawiin, MHIP Gen. Hqrs. an zawmna an titawp tih an thuchhuahah chuan an tarlang a. An thuchhuahah hian Veng pahnih MHIP Branch President leh Secretary ten hming an ziak a ni. Hemi hma nikum lam khan Champhai Vengthlang North leh Venglai Branch te chuan MHIP General Hqrs. an thlawpna an lo titawp tawh a ni.

Comments

Popular posts from this blog

PAN CARD an tih teh fo hi - Laldinpuia