MNF President in Serchhip rawn tlawhin an Party zawm thar mi 437 a lawmlut

MNF President leh Chief Minister, Zoramthanga chuan nimin khan Serchhip rawn tlawhin Serchhip Bazar-a Vantlang Inkhawm ah thu sawiin, Lok Sabha inthlanpui neih tur atan an Party leh Candidate boruak a \ha hle tih a sawi a. He hunah hian an Party zawm thar mi 437 a lawmlut nghal bawk.

MNF East Block Serchhip President, T. Zadingliana kaihhruai he vantlang inkhawm ah hian MNF President leh Chief Minister, Zoramthanga chuan tunkar chhungin Mizoram chhimlam a fan thu leh Lok Sabha MP inthlanna neih tur atan an Candidate leh Party boruak a \ha hle tih a sawi a, an khingpui lian ber tura ngaih ZPM leh Congress thlawp Independent Candidate thawm hriat tur a awmloh thu leh hei hi khawvar hnu mai ni lo, Ni chhuah hnua inthlang tur kan nih vang a nih thu a sawi a. An khingpui turte chuan beihna tur an hriatloh avangin CAB hmangin an bei nia sawiin, amaherawh chu CAB chungchangah anni aia hma la nasa erawh an awmloh thu a sawi a. Mi \henkhat ten Congress kum 10 sawrkar chhunga hnathawh leh thla thum awrh an sawrkar chhunga hnathawh intluk ang hiala an sawi, mi \henkhat ten an helh em em chu an pawm thu leh a hun a inreihleih em avanga thil awm tak a nih thu a sawi a, amaherawh chu an hnathawh enin mi tam tak chuan sawrkar thar chu hna thawk \ha an tih thu a sawi a. An Party hruaitute chu inthlanpui lo awm tur atana theihtawp chhuah zel turin a chah nghal bawk.
He hunah hian Adviser to Chief Minister, C. Lalramzauva pawhin sawrkar thar a din hnuah Serchhip bial in phuloh malsawmna a dawng tih sawiin, lawmthu sawi mawlh mawlh tur kan ni tih a sawi a, hmasawnna tur leh tih tur tam tak erawh kan la neih thu sawiin, heng te hi a ti theitu chu sawrkar a nih thu leh sawrkar kan \awiawm a \ul thu a sawi a, Lok Sabha MP inthlan result a\angin chhawmdawl zel tlak kan ni dawn em tih min en dawn thu a sawi bawk.
Nimin a MNF President, Zoramthanga'n an Party zawm thar a lawmluh mi 437 zingah hian Serchhip Sub-Hqrs. YMA Vice President nilai, Lalzuiliana bakah Congress Party a\angin R. Lalhlimpuia, Bazar Hnuai te, Serchhip-II VCP hlui Vanlalthanga te, |halai Block President hlui Lawmnasangzuala te, |halai Block Treasurer nilai Lalchhandama te, Serchhip-VII-a VC member nilai PC. Lianngura te leh hruaitu hlui te an tel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man