Aizawl-a lirthei intlanchhawk dan tur ruahman thar

Home Minister Lalchamliana hova Coordination Committee on Traffic Management \hukhawm in ruahmanna an siam angin June, 2019 a\angin Aizawl khawpui ah lirthei tlan dan thar hman a ni dawn.
He ruahmanna thar an siam ah chuan lirthei number tawpa 1 leh 2 awm te chu Thawh\anni-ah an ding ang a, number 3 leh 4-te Thawhlehni-ah dingin 5 leh 6-te Nilaini-ah an ding anga, 7 leh 8-a tawp te Ningani-ah dingin 9 leh 0-te Zirtawpni-ah an ding ang a. Inrinni leh Pathianni-ah chuan lirthei engpawh tlanchhuah theih a ni ang. Lirthei intlanchhawk hian zing dar 9:00 a\anga tlai dar 6:00 inkar a huam ang a, hei hi enchhinna atana tih a niin a \hat chuan hman zui zel tum a ni.
Tuna Aizawl khawpui-a lirthei intlanchhawk kalpui mek hi October 2, 2017 a\anga kalpui \an niin hei hian Pathianni tih loh ni dang zawngah zing dar 8:30 a\anga tlai dar 6:00 thleng intlanchhawk hi kalpui niin lirthei number tawp ber zel chu calendar ni nen a inrual hunah an ding \hin a. Hei hian District dang leh state pawna register, Private motor, Aizawl-a awm leh tlanlut turte pawh a huam a, mipui hman bik (public service) Taxi, Maxi Cab leh phalna nei bikte chu a huam lo a ni.
Thudawnna in a tarlan danin Aizawl khawpuiah lirthei 123,235 a awm mek a, tuna intlanchhawk kalpui mek (number tawp leh ni inrual)-ah chuan nitin lirthei 12,000 vel an tlan lo/ding \hin a, tuna ruahmanna thar ah hi chuan nitin lirthei 24,000 vel ding tura ngaih a ni a, hei hian traffic tawt lutuk a tihziaawm ngei beisei a ni.
Home Minister hova meeting-ah hian Night Parking leh Garage endikna kalpui chungchangte, Department hrang hrang hmalakna avanga kawng laih te awmze nei zawka kalpui te, Aizawl khawpui huamchhunga Parking area ennawn te, chak zawka Pollution control endikte bakah Aizawl khaw chhunga lirthei chet velna a awlsam zawk nan a hmalak dan tur hrang hrang sawiho a ni bawk.

Comments

Popular posts from this blog

PAN CARD an tih teh fo hi - Laldinpuia