Sawrkar bithliah aia tam Fee la te lakah hmalak tum

MZP General Hqrs. chuan Mizoram chhunga zirna In hrang hrangte chu Sawrkar remtihna leh dan baka zirlaite hnenah Fee la lo turin an ngen.
MZP General Hqrs. hian niminpiah khan Aizawl-a an Office-ah Executive Meeting neiin Academic Session thara zirna In \an leh theih a ni chu lawmawm an tih thu an sawi a. Chutih laiin Private School \henkhat in Sawrkar phalna bak Fee tam tak la an awm chu pawi an tih thu sawiin, Sawrkar dan zahlo a School neitu in an duh dan dana Fee hrang hrang an lak te chu thuneitute’n zirchianga action la turin thuneitute a phut nawn leh tih an sawi a. Dan in a phal baka Fee la lui te chu School din phalna petute hnenah phalna tihtawp anih theihna turin hma an lak tur thu sawiin, Mizoram chhunga School hrang hrangte chu Sawrkar remtihna leh dan baka zirlaite hnenah Fee la lo turin a ngen bawk.
Hei bakah hian MZP chuan January-March, 2019 chhung hian Mizoram chhungah induhsakna avangin Sawrkarin zirtirtu Primary School-ah Headmaster 30 leh Zirtirtu pangngai 40 leh Middle School-ah zirtirtu pangngai 21 lai mai thingtlang a\anga khawpui chhungah sawn luh a nei nia sawiin, hriatthiam har an tih thu an sawi a. Heng insawn te hi zirlai tam zawkna a\angin, zirlai tlemna zawkah zirtirtu tamna lamah an in sawn tih pawh sawiin, hetiang a nih avang hian thingtlang lama zirnaa zirlai naupangte chu a tuar nasa ber tur an nih thu leh pawi an tih thu an sawi.
MZP chuan heng Zirtirtu an sawnna post ruak hi rang taka hnawhkhat nghal turin thu-neitute chu an phut thu leh thingtlang a\anga khawpui a zirtirtu transfer te Sawrkar in a hnawhkhat thei dawnlo a nih chuan heng zirtirtu, thingtlang a\anga khawpuia sawn luh te hi anmahni awmna post-a dah kir leh nghal turin thuneitute chu an phut thu an sawi bawk.

Comments

Popular posts from this blog

PAN CARD an tih teh fo hi - Laldinpuia