Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Mizoram CEO in Lunglei tlawh

Mizoram Chief Electoral Officer (CEO), Ashish Kundra, IAS chuan nimin khan Lunglei tlawhin Lok Sabha Election 2019 hmachhawn tura inpuahchahna a enfiah.
  Mizoram CEO hian Helicopter hmanga Lunglei hi tlawhin Jt. CEO, H. Lianzela leh Deputy CEO, C. Lalchhuang-kima ten an \awiawm a, Lunglei District Election Officer, K. Lalrinzuali, Election Officer, James Lalnithanga leh Official dang ten lo dawng-sawngin Lunglei Circuit House-ah District Election Management Plan (DEMP) hnuaia ruahmanna hrang hrangte sawiho a ni.
He sawihona hunah hian Lunglei DEO chuan Lunglei District-a Assembly Constituency pasarih-a Polling Station 188-a duty tur ten an duty na hmun an pan dan tur ‘Vehicle Movement Plan’ mumal tak siam a nih thu sawiin, inthlanna a hman tur EVM leh VVPAT Commissioning (hman theih tura buatsaih) chu Saikuti Hall-ah ECIL Engineer rual 15 ten an buaipui mek thu a sawi a. Lunglei SP, C. Lalthanmawia chuan chuan Election hmachhawn tura dan leh thupek kenkawh kawnga hmalakna te sawiin ‘Security Force Deployment Plan’ mumal tak siam a nih thu leh tun dinhmunah harsatna liantham a awmloh thu a tarlang a. Inthlan vuakveta duty tura Police mi 430 leh BSF Platoon khat ruahman an nih tawh thu a sawi bawk.
Hemi hnu hian CEO chuan Lunglei-a Strong Room chu tlawhin Polling Personnel te tana training chu a telpui bawk a. Hemi hnu hian Lawngtlai District tlawh lehin Kamalanagar a tlawh hnuah Lawngtlai a tlawh a. CEO chuan inthlan felfai taka neih a nih theih nan inthlana mawhphurtute chu theihtawp chhuah turin a chah a. Lawngtlai-a Strong room awmna hmun, Govt. Lawngtlai College-a inthlannaa hman tura EVM leh VVPAT buatsaih fel (commission) mek chu a en nghal bawk.

Comments

Popular News (Last 30 Days)