Lokayukta Chairman kawm

MZP General Hqrs. hruaitute chuan nimin khan Mizoram Lokayukta Chairman, C. Lalsawta, IAS (Rtd) chu kawmin  Lokayukta chungchang leh thilpawimawh hrang hrang an sawiho.
Mizo-ram Lokayukta Chairman Pisa-a an inkawmna ah hian Lokayukta Chairman chuan MZP hruaitute chu anmahni leh mi \hahnemngai te avanga Mizoram sawrkar in Lokayukta a function tir thei ta chu lawmawm a tih thu a sawi a, Lokayukta kal zel nan finchhuahna a mamawh nasat dawn thu sawiin, Lokayukta chu thil ti thei tak tur a nih thu te, a nihna tur takin Mizo mipui ten an hmanthiam a duhthu te, a \angkaina ang taka hman a nih theih nan Mizo mipuite hnenah zirtirna nasa tak pek a ngaih thu te a sawi.
Lokayukta Chairman chuan Lokayukta kalpui danah ennawn ngai tam tak a la awm thu te, thawktu lamah pawh indaihlohna tam tak a la awm bawk niin a sawi a. Mizoram-ah pawh eirukna leh dan lo ang a sum tam tak chingpen a awm ang tih a rin thu te, thil tisualtu chu hrem mai tur an nih thu leh mahni tihsual ni lo a, an hnuai ami te tihsual avanga tuar pawh tam tak an awm a rin thu leh chung te pawh chu Lokayukta hmang a chang zawk a hailan zel a nih theih a beisei thu a sawi a. A duh ber chu eiru leh thil tisual hrem ringawt ni lo tih pawh sawiin, eiru lo tura Lokayukta kaltlang a mipuite zirtirna pek leh Mizote siam \hat chu a duh ber a nih thu a sawi bawk.
MZP chuan Mizoram-ah Lokayukta hi din a nih theih nan kum 2012 a\anga hma an lo lak \an tawh thu sawiin, kum 2014 Assembly Session-ah Lokayukta hi Pass a ni leh kum 2019-a din a ni ta chu lawmawm an tih thu an sawi a. Chutih rualin thawktu lamah leh thildang tam takah mamawh a la tam hle tih sawiin, a nihna tur ang taka Lokayukta hman a nih theih nan a\ul ang te leh thawktu \hahnem zawk dah belh thuai turin thuneitute a ngen bawk. Lokayukta Office ah hian Regular staff pakhat (Chairman) leh MR Driver, MR Data Entry Operator an awm mek a ni.

Comments

Popular posts from this blog

PAN CARD an tih teh fo hi - Laldinpuia