Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

Police fa ten Computer zir

Inrinni khan Serchhip-ah Police fa ten Computer an hmelhriat theih nan Computer zirna neih a ni.
Mizoram DGP hova Police Coordination Meeting in ‘Skill Training for Children of Police Family’ buatsaih alo rel tawh bawhzuia Serchhip SP Confrence Hall-a Police chhungkua a naupang ten Computer an hmelhriat theih nan Computer zirna buatsaih ah hian Police Department a\angin Michael Lalramsanga, Lalrochama, Vansiampuii leh Lalnunmawia ten zirtirna pein he hunah hian naupang 40 vel zet an tel a, heng naupang te hian Computer hman dan tlangpui leh hawrawp chhutchhuah dan te an zir a ni.
He hun hi Serchhip SP Office-a Reserve Officer (RO), Inspt. H. Biakchhuma chuan kaihruaiin he hun buatsaih a nih dan leh an kalpui dan te sawiin, he an Programme buatsaih hi naupangte pawhin an chhawr \angkai ngei a beisei thu a sawi a. Naupang ten Computer an zir lai hi Serchhip Addl. SP, PC. Lal\anpuia pawhin tlawhin naupang te hian hlawkthlak an tih thu leh nuam an tih thu an sawi bawk a ni.

Comments

Popular News (Last 30 Days)