MNF in complain thehlut

Nimin-a Aizawl a\anga chanchinbu chhuak, Vanglaini in MNF Candidate chhinchhiahna a tarlan diklo chungchangah MNF Party chuan Mizoram CEO hnenah complain thehlutin Aizawl Police Station-ah Ro chuan FIR a thehlut bawk.
Nimin a thuthar thehdarhtute zawhna chhangin CEO, Ashish Kundra chuan Vanglaini chanchinbu phek hmaa MNF Party Lok Sabha candidate chhinchhiahna ah Arsi aia Ni dah chungchang sawifiah turin Vanglaini Editor leh Jt. Editor hnenah hriattirna an pe tih a sawi a, Editor chauh duhtawk lova Jt. Editor pawh insawifiah tura an tih chhan chu Jt. Editor chu candidate a nih vang a ni, a ti a. Representation of Peoples Act bawh-chhiatna ni theia ngaih tur thil inziak a awm avang leh he thilah hian a inrawlh em tih chhui chian tur a ni tih sawiin, a chhui chiang turin Returning Officer chuan Police Station-ah FIR a thehlut bawk a ni, a ti.
CEO chuan zawhna chhangin, Vanglaini phek hmaa thuziah chu tihluih anih chuan pawm zam mai chi a ni lo tih a sawi a, he thil hi Mizoram a la thleng ngai lo a nih bakah  thil tih awm a ni lo  tih a sawi bawk.
Chief Minister leh MNF Party President ni bawk, Zoramthanga chuan nimin a Vanglaini chanchinbu in siam\hat lehna hun awm miah lova ‘MNF candidate chhinchhiahna chu Ni a ni’ tia an chhuah sual lui chu pawi a tih thu sawiin, an thin a rim hle tih a sawi a. Hemi chungchang hi Election Commission of India hnenah thlenin, Polling Area-ah MNF chhinchhiahna chu Arsi a nih thu puang reng tura an ngen thu leh hei hi ECI in an ti thei lo a nih chuan MNF party-in an puan phalsak turin an ngen tih a sawi a. Hetiang hi tunhma pawha la thleng ngai lo a ni a, a sual thlak em mai a, Court-a kala Court-in a hrem ngei \haa an hriat thu a sawi bawk.
Hetihlai hian Vanglai Chanchinbu Editor chuan nimin khan thuchhuah siamin he an thuchhuah hi tihsual palh a nih thu a tarlang bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia