Congress leh ZPM thlawp Independent Candidate in Serchhip-ah Vantlang Inkhawm nei

Lok Sabha inthlanpui neih tura Congress leh ZPM in an thlawp Independent Candidate, Lalnghinglova Hmar (Tetea Hmar) chuan Inrinni khan Serchhip rawn tlawhin Serchhip Bazar-a Vantlang Inkhawm ah thu a sawi a, Serchhip mipuite chu amah Vote turin a sawm bawk.
MPF Serchhip District kaihhruaia Vantlang Inkhawm-ah hian Lalnghinglova Hmar chuan tunhnaiah MP inthlanpui neih tura campaign in Mizoram hmun hrang hrang an fan thu leh mipuite an lo phur em em zel chu lawmawm a tih thu a sawi a. Amah chu Independent Candidate a nih thu leh party lian 2- Congress leh ZPM ten an thlawp thu a sawi a. Kan hma lawka inthlanpui lo awm tur chu MLA inthlan a nih loh thu sawiin, MLA inthlan ah chuan kan duh thlangin sawrkar an siam tawh thu a sawi a, tuna kan inthlan tur erawh chu MP inthlan, MLA inthlan nena inthlan dang daih, inzawmna neilo a nih laiin mi \henkhat, sawizawm tlat tum erawh an awm thu a sawi a. Tuna India rama sawrkar-na siam mektu chu NDA kaihhruai BJP sawrkar a nih thu leh NDA chu kum 1998-a din a nih thu sawiin, BJP chuan anmahni-a sawrkar siam thei tura an inngaih loh avangin an duh ang duh leh an an rilru ang pu mi te nen an din a nih thu a sawi a. He NDA-ah hian MNF pawh an tel thu leh hei vang hian tun \uma MP inthlan ah pawh NDA-a tel MNF te kan Vote chuan a tawp ah Narendra Modi a awm thu sawiin, BJP kaihhruai sawrkar tir tu turte an nih thu a sawi.
Independent Candidate, Tetea Hmar chuan India ramah NDA/BJP an sawrkar hnuah Kristian ten harsatna chi hrang hrang kan tawk tih sawiin, tunah chuan Missionary te In-a inkhawm an neih \hin te an phal sak tawhloh thu te, Kohhran hrang hrang ten ram pawn a\anga \anpuina kan dawn \hin te pawh tihtawp a nih tawh thu te, ramdang Kristian, India rama Pathian thu sawi tura rawn lut te pawhin harsatna an tawh thu te sawiin, Krismas leh Good Friday te pawh Ni pawimawh danga min puan sak tak zel thu a sawi a. Hei vang hian NDA sawrkar paih turin Mizo Kristian te kan in lungrual a \ul thu leh Hindu ram din tumtu te kan paihthlak a \ul thu a sawi a. Kan tualchhung Politics te dah\haa Mipui Candidate Vote \heuh turin a sawm bawk.
He hunah hian Minister hlui, Vanlalawmpuii Chawngthu pawhin thu sawiin an khingpui lian ber, MNF Candidate chuan thu a sawina ah Candidate atan Congress in an sawm nia a sawi thu leh Congress Party zingah sawm an awm an hriatloh thu a sawi a, dawtsawia bul \an chu a tluan a rinloh thu sawiin, mipuite chu an Vote hmanga Hnam hnatlang neia Mipui Candidate vote \heuh turin a sawm a. ZPM |halai President, Lalmuanpuia Punte pawhin tunhnaia an zinna hrang hrangte report pein a tarlang bawk.

Comments

Popular posts from this blog

PAN CARD an tih teh fo hi - Laldinpuia