Khawvela inthlan hautak ber : India inthlanpui 2019 thlirna

Khawvela inthlan hautak ber :
India inthlanpui 2019 thlirna

- Laldinpuia

India ram hi khawvela mipui aiawh roreltu an thlanna (Democracy) ram lian ber a ni a, India rama Inthlanpui buatsaih hi a hautak in a lian tham hle a, khawvel a inthlan hautak ber ti a sawi \hin a ni. He inthlanpui hautak zet hi kan hma lawkah kan lo thleng leh dawn ta a. Kum 2019 Lok Sabha inthlanpuiah hian India rama Vote nei thei hi mi maktaduai 900 lai an awm a, inthlanpui hmasa 2014-ah khan mi maktaduai 815 te zingah mi maktaduai 550 te chuan Vote an lo thlak tawh a ni.
Tun \um inthlanpui hi India ram pumah thawh 7-ah neih a ni dawn a, a thawh khatna hi April 11-ah Vote thlak tur a ni a, hetah hian Mizoram te pawhin Vote kan thlak ang. Inthlan Vote thlak hi April 11 bakah, April 19, April 23, April 29, May 6, May 12 leh May 19-ah te India ram hmun dangah Vote thlak a ni ang a, ram puma Vote tla te hi May 23 ah chhiar a ni ang.
Lok Sabha inthlanpui behbawm hrang hrang te han tarlang ila -
Ÿ Tun \um inthlanpuiah hian kum 2014 inthlanpui aiin Vote nei thei hi mi maktaduai 85 zetin an pung a ni.
Ÿ India rama mihring hmun thuma \hena hmun hnih hi kum 35 hnuailam an ni a, tun \um inthlanpui lo awm turah hian kum 18 leh 19 Vote nei mi maktaduai 15 an awm.
Ÿ Vote nei thei zingah hian mi 38,325 te chu transgender an ni.
Ÿ Tun \um inthlanah hian ram pumah Electronic Voting Machine (EVM) maktaduai 1.1 Vote thlak nan hman a ni ang.
Ÿ Polling Station maktaduai 1 a awm ang.
Ÿ Kum 2014-ah Lok Sabha seat 543 chuh tu candidate 8251 an awm.
Ÿ India ramah hian Political Party hrang hrang 3626 an awm a, heng zingah hian 1841 te chauh hi Election Commission in a pawmpui te an ni.
Ÿ Parliament House-ah hian seat 545 a awm a, heng zinga 543 te hi mipui aiawh thlan ten an inchuh ang a, seat 2 hi Anglo-Indian a\angin President of India in a ruat \hin.
Ÿ Kum 2014 inthlanpuiah khan Parliament a dan siamtu atan tualthah thubuai nei mi 186 te chu thlantlin an ni.
Ÿ Kum 2014 inthlanpui ah khan BJP Party khan a malin hneh takin sawrkarna an siam a, Lok Sabha seat 543 awmah 282 an la a ni, sawrkarna siam tur hian seat 272 neih a ngai. India ram inthlanpui a kum 30 kalta chhunga Party mala sawrkarna siam thei hmasa ber an ni. Inthlanpui hmasa ah hian BJP leh a thawhpui NDA te khan seat 336 an la. Rorellai Congress Party a tlachhe nasa hle thung a, seat 44 chiah an hum thei a ni.
Ÿ India ram hi mihring kan tam avangin inthlanpui neih pawh a hautak hle a, inthlanna senso pawh a tam viau \hin. India rama inthlanpui neih hmasak ber 1951-1952-ah khan cheng Vaibelchhe 10 vel hmanral a ni a, kum 2009 election ah khan Vaibelchhe 1114 vel hmanral a ni a, Election hnuhnung ber (2014) ah khan Vaibelchhe 3870 hmanral a ni. Kum 2019-ah phei hi chuan a tam tham viau ang le. Election-ah hian sawrkar sum (Mipui thawhkhawm) tam tak hman anih \hin avang hian Vote thlaktu mipui te pawhin Vote thlak hi kan ngaih pawimawh a \ul hle a, kan duh zawng kan thlan ngei hi kan chanvo a ni tih kan hriat a \ul hle.
Mizoram hian Lok Sabha ah MP pakhat (1) kan nei ve a, hemi tur hi tun \um inthlanah pawh hian kan thlang dawn a ni. Mizoram aiawh MP pakhat kan thlanna turah hian heng a hnuaia mite hi Candidate leh an Party leh an Symbol te chu an ni -

Hming Party Symbol
1. C. Lalrosanga MNF Arsi
2. Nirupam Chakma BJP Lotus
3. TBC Lalvenchhunga PRISM Lunghlu
4. Lalhriatrenga Chhangte Independent Motor Ke
5. Lalnghinglova Hmar Independent Triangle
6. Lalthlamuani Independent Enlenna

Khing kan Candidate te a\ang hian India ram rorelna sang Lok Sabha-a Mizoram aiawh a \hu tura kan mi duh ber i Vote \heuh ang u.