Vaimim eichhetu Mizoram-ah a puang niin sawi

Tunlai hian Vaimim eichhetu rannung chikhat (Fall Army Worm), Mizoram-a la hmuh ngai loh chu a puang mek tih Agriculture Deartment chuan a sawi a, loneitu a bikin Vaimim chingtute chu fimkhur turin a chah.
Agriculture Research & Extension a\anga thudawn danin tunhnai mai khan Mizoram District \henkhat ah Vaimim eichhetu, Pangang a puang tih report a ni a. He rannung puang hi cm 3.40 vel a sei niin Vaimim hmun a bei deuh ber a, Vaimim a awm loh pawhin thlai dangah kaiin Buh, Fu leh Bekang te beiin thlai leh hnim hrang hrang 80 lai chaw-ah ringin a tichhe \hin a ni.
Thudawn danin he Pangang hi America ramah tunhma kum 100 a\ang tawha awm ni mahse tunhnaiah Continent hrang hrangah a darh chho mek a. Kum 2016-ah Africa ram \henkhatahah hmuh niin Vaimim hmun tam takah a suat tawh a, Food and Agricultural Organization (FAO) pawhin he rannung hi Food Security tibuai thei hialin an ngai a ni. India ram state \henkhatah 2018 mai khan Fall Army Worm hi hmuhchhuah a ni a, tunah hian India ram states 10 velin an buaipui mek a, Maharastra, Kerala, Chandigarh, Gujarat etc.ah te chuan an buaipui nasa hle a ni.

Comments

Popular posts from this blog

PAN CARD an tih teh fo hi - Laldinpuia