Police in Flag March nei

Lok Sabha inthlanpui neih tura Serchhip-a duty, 2nd IR Battalion te chuan Inrinni khan Serchhip khawpui chhungah Flag March an nei.

Lok Sabha inthlanpui neih turah hian Serchhip District-ah hian Central Reserved Police Force (CRPF) leh State Armed Police Force (SAPF) te chahluh niin tunah hian Serchhip District chhungah boruak muanawm tak a awm theih nana hma an lak bakah Inthlanna bungrua venhim hna ngawrh takin an thawk mek a. He inthlanpui neih tur hi boruak muanawm tak hnuaiah kalpui a ni tih lantirna atan leh venhimna pawh khauh taka kalpui a nih dan tur entirin Inrinni khan Serchhip-a awm 2nd IR Battalion te chuan Serchhip khawpui chhung hmun hrang hrang fangin Flag March hi neih a ni.

He Flag March-a tel te hi hlawm hnih (2)-ah in\henin Serchhip Bazar a\anga \anin a hlawm khat hian Bazar a\anga Chanmari Veng fangin Serchhip P&E Veng lamah kal zelin IOC Veng thleng an kal a, a hlawm khat dang chuan Serchhip Bazar a\anga National Highway tlang-dung zawhin New Serchhip thleng an kal bawk a ni. Police hotute chuan he inthlanna neih tur hi boruak muanawm tak leh him taka taka neih a nih theih nan mipuite \awiawmna an ngen a, sawrkar in ruahmanna a siam te \ha taka zawm tur leh Dan bawhchhia a che te chu a rang lama thuneitute hnena hriattir nghal zel turin an chah bawk a ni.