Returning Officer zawkin FIR a thehlut hi kan hriat vawikhatna a ni - Lalduhoma

ZPM hruaitu, Lalduhoma MLA chuan inthlanna ah Returning Officer chu inthlan chhunga thubuai awm apiangte lo dawngsawng a, a \ul anga hma lo la tur an nih laia amah ngeiin FIR a thehlut chu an hriat vawikhatna a nih thu a sawi.

Nimin a ZPM in Chhung Inkhawm an neih ah ZPM Leader, Lalduhoma hian thu sawiin Lok Sabha inthlanpui neih ni leh a hnua thil thleng chungchang a sawi a, Lalduhoma chuan Vote thlak ni khan Aizawl DC hnenah K. Sapdanga, F. Rodingliana leh R. Vanlalvena te lengin an Candidate thlawp, Tetea Show Cause Notice pek a tum a nih pawhin Tetea’n a dawn hma chuan tih leak-out loh nise tiia ngenin, chutiang turah pawh chuan an ngai tih a sawi a. “Amaherawh chu, kan hotuten DC Office an chhuahsan rual rualin he thil hi DC Office a\angin a leak out nghal a ni. Pu Tetea’n Show Cause Notice a dawn hma hian Media-ah a darh vek tawh a ni. Aizawl DC hi Returning Officer a ni a, Returning Officer chu inthlan chhunga thubuai awm apiangte lo dawngsawng a, a \ul anga hma lo la tur an ni a. Complaint thehluhna tur, a dawngtu tur a nih laiin amah ngeiin FIR a rawn thehlut zawk tlat mai hi, hetiang hi kan hriat vawikhat hriatna a ni a; thil dangdai tak tun tumah hian a thleng a ni,” a ti.

Lalduhoma chuan Vanglaini Chanchinbu thuchhuah chungchang chu anmahni in tuar berin an chhiat pui ber bawknia sawiin, MNF in an hlawkpui ber tih a sawi a. “MNF hian hlawk pui pawh an tum hle a, a chet pawh an che rang a. Chuvangin, Pu Tetea tana chhiatna thlen thei thil, MNF tana \hatna, auhla \ha tak, MP leh MLA a kan candidate te leh anmahni thlawptute dem theihna tur point \ha tak siam theitu a nih avang hian he thil hi tute tih nge? Tihsual palh vang liau liau nge tih ngaihtuah a tithui hle a ni. Keini tan chuan he thil hi hlawkpuina engmah kan neih lohna thil a ni,” a ti.

He thil thleng chungchangah Tetea chuan inhnamhnawihna a neilo tih pawh sawiin, Lalduhoma chuan, “Pu Tetea hian Vanglaini-a Joint Editor a nihna hi inthlanah Candidate ber a nih avangin March ni 13 khan, inthlan result chhuah thleng atan a chawlhsanin leave a la a, he thil a thlen lai hian Vanglaini-ah mawhphurhna engmah a nei lova, a chawlh hlan a ni a, engmah inhnamhnawihna a nei lo a ni,” a ti a. “Pu Tetea hi MP atana thlantlin pawh lo ni se, disqualify leh tur anga MNF ten an sawi phei hi chu thu awmze nei lo takzet a ni a, Tlawng vuaka Mat dap an tih ang chauh a ni. He thilah hian hlauhthawn tur a awm lo a, a case hi a tenau em em a, kan hrik a tithak tham lo a ni. An kalpui duh a nih chuan an kal chen chen kan kal ve ang. Engmah lungngaih tur a awm lo,” a ti a. “MNF ho thuchhuah hi a mak danglam em emna chu, Court a an lan tur ni thlengin an sawi lawk thei a, chumi nia Magistrate-in ro a rel dan tur leh an thutlukna tur zawng zawng thlengin an lo hre lawk vek a, an lo chhuah lawk hi a ni,” a ti bawk.