NDA-ah kan tello - Duhoma

Zonuna Kawlni /
ZPM hruaitu Lalduhoma, MLA chuan MNF hotupa in Vawiin thlenga ZNP te NDA-a tel ve anga a sawi chu thu diklo niin a sawi.
Nizan hmasa a Aizawl West-I AC chhung Govt. Complex Veng Kawn-a Vantlang Inkhawm ah thu sawiin ZPM hruaitu, Lalduhoma chuan NDA chu tuna duhlo thut an ni lo tih sawiin, Hindu firfiak RSS te policy zawmtu an nih avangin Kristiante tan a himlo tih a sawi a. A \halo tih an hriat hnuah NDA a\angin an bang tih sawiin, “Vawiin thlenga MNF hotupa in NDA-a tel ve anga min la sawi hi thu diklo a ni a. NDA thawhpuite chu internet a\angin a hriat vek a. Mizoram-ah chuan MNF chauh hi an ni a. Central-a BJP thawhpuitu MNF te hi hnawl an ngai a ni,” a ti bawk.
He hunah hian Assembly inthlanpui hnu-hnung bera Congress Candidate, PC. Laltlan-sanga pawhin thu sawiin CAB 2016-in North East a huam dawn lo tih chu CAB-ah ziahlan a awmlo tih a sawi a, Union Minister of State for Home Kiren Rijiju chuan Arunachal West-a tlin loh a hlauh vangin a sawi ve mai mai tih sawiin, BJP President Amit Shah-a’n BJP an sawrkar leh a nih chuan CAB-2016 tharthawh leh ngei an tum thu hi Lakhimpur a rally an neihnaah a sawi chiang daih tawh tih a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »