Thli leh ruah vangin In chhia tam

Pathianni chawhnu leh zan lama ruah leh thli thawk khan Mizoram hmun hrang hrangah chhiatna a thlen a, nunna chan erawh an awmlo thung.
Thudawn danin Pathianni-a ruah leh thli thawk hian Serchhip District-a Khumtung khuaa Thanhliri In chu a bang tichhiain Thenzawl Venglai-a Lalliani In chu a chung thli in a la a. Chhiahtlang Chanmari-a Darchhunga In pawh tichhiain luahzui tlak a nih loh avangin nimin khan \hiah a ni bawk. Heng bakah hian Lawngtlai Bethel Veng-a In 5 leh Dinthar Council Veng-a In 1 chu \hen azar a tichhia a, Saizawh East-ah  chenna In 3 chhiain Var\ek leh |ialdawngilung khuaah pawh In chhia a awm nual bawk. Mamit District-ah chuan W. Phaileng-ah chenna In 2, Kawnmawi leh Chhippui khuaah chenna In 16 vel bakah VC House leh Sub-Centre te a tichhia a, In 4 chu luah zui tlak lohin a chhe bawk.
Lunglei District-ah chuan In dinglai 5 a tlu a, siam \hat leh theiha chhia In 41 a awm bawk a, nasa lutuk lova chhia In 15 te nen a vaiin in 61-in thli tleh avanga chhiatna an tuar a. Lunglei District-a Rualalung khuain thli leh ruah an tuar na ber a ni. Siaha District-ah pawh khua leh veng hrang hrang paruk-ah thli leh ruah hian chhiatna a thlen thu dawn a ni. Aizawl khawpui chhungah chuan |huampui Veng-ah In pakhat a chhia a, Kolasib District-ah chuan Buhchangphai, Phaisen leh Bethelmual-ah te In 22 a chia a ni. 

Comments

Popular posts from this blog

PAN CARD an tih teh fo hi - Laldinpuia