MNF sawrkar hmalakna hrang hrang puangzar

MNF General Secretary, Lalruatkima chuan Inrinni khan Ai-zawl-ah thuthar thehdarhtute kawmin MNF sawrkar hnua an hmalakna hrang hrangte a tarlang.
Aizawl Press Club-a thuthar thehdarhtute a kawmna hunah hian Lalruatkima chuan Ni 100 emaw lek chhunga MNF sawrkar hmalakna sawiin, “Zohnahthlak ram hrang hranga \hendarh a awm ten thuneihna sang zawk nei a, rorelna pakhat hnuaia kan awm theihna turin, UNO Declaration on the Rights of Indigenous Peoples 2007-a hlawhtlin ngei theihna turin chak taka hmalak a ni mek a, hemi chungchangah hian House-ah Private Member Resolution chu lungrual taka pass a ni a. Chimralna laka kan himna turin Bengal Eastern Frontier Regulation 1873 khauh taka lekkawh a \ul a, dan bawhchhia a ramri kan/pemte kan ramah mi tam tak an rawn inbengbel tih kan hria a, dan angin chung mite chu dapchhuakin kan thawnkir a ngaia, khua leh tui dik takte chhinchhiahna (Village Census Register) uluk lehzualin vawn a ni dawn a. Hemi atan hian hmalakna hmasa atan ni 18.3.19 khan Assembly-ah The Mizoram Maintenance of Households Register Bill, 2019 pass a ni,” a ti.
CAB chungchang sawiin Lalruatkima chuan, “Zoram mipuiten kan duh lo a, nasa takin kan dodal a. Kan CM ngei pawhin a do a, CAB vanga hlauhthawnna kan neihna chhan a kaikuang ber chu sawrkar kal ta Congress Ministry kha a ni,” a ti a. Sawrkar hmalakna a sawi zingah hlemhletna leh eirukna chhuitu tur Vigilance Commission/Lok Ayukta tih hlawhtlin mek a nih thu te, lirthei chhiah lak dan leh Vehicle replacement kalpui dan ennawnin siam\hat mek te, Sawrkar hnathawkte harsatna sukianga Contract Employee-te ham\hatna tur chi hrang hranga hmalak mek a nih thu te, kawng siam mek anih thu te leh Zu zawrh tihtawp a nih mek thu bakah sikul \an hun tihdanglam a nih thu te a sawi bawk.

Comments

Popular posts from this blog

PAN CARD an tih teh fo hi - Laldinpuia