Woodland School of Woodworking hawn a ni

Woodland Group hnuaiah Woodland School of Woodworking chu nimin khan Woodland Innovation Park Zonuam-ah Commerce & Industries Director Director, J. Hmingthanmawia chuan a hawng.

Woodland Group CEO C. Lalpek-liana chuan Woodworking chu Woodland Group-a discipline pakhat a nih thu a sawi a. Woodland Group-ah hian hlawm lian tak takin Furniture & Interior Design-te, Steel & Aluminium-te leh Construction-te a awm hrang tih sawiin, School of Woodworking chu din thar belh a ni tih a sawi.

Woodland Group CEO  sawi danin, kum 2011 vel a\ang khan lian vak lovin Woodworking Training Programme hi kalpui a lo ni tawh a, zirchhuak hlawh tling tak leh mahni kut ke-a ding theite chu awm bawk mahse an bei tham hle a, chuvangin kum 2019 a\ang hian zirna awmze nei zawk chhen fakawm zawk tur buatsaihin hma an la a. District Industrial Centre-ah registration tih fel tawh a ni. Eizawnna tlaka an theihna chherchhuah sak chu he School hian a tum a, \halai tam takte an mahni kut ngeia inchawm zo tura buatsaih a, mi turn ruh, rilru leh taksaa mi puitling, midangte pawhin an rin tlak leh rawih ngam chher chhuah chu an tum ber a ni.

Woodworking hi kum thum chhung zir tur a ni a, Course Fee chu kum 1-ah Rs. 2,00,000 a ni a, 2nd year-ah 1,00,000 leh kum 3-naah Rs. 10,000/- niin Seat 15 a awm dawn a, a Course chu Allied Woodwork niin pawl 8 pass kum 16-23 inkar tan dil theih a ni a. Kumin June thla a\anga \an tur a ni ang.