Inthlanpui-a duty tur ten training hnuhnung an nei

Lok Sabha MP inthlanpui 2019 inbuatsaihna kal zelah Serchhip District chhunga Polling Official te chuan nimin nileng khan Serchhip DC Conference Hall leh Govt. Higher Secondary School, Serchhip-ah training hnuhnung ber tur an nei.
Lok Sabha inthlanpui neih tura Serchhip District chhunga mipuite vote thlak tur lo buaipuitu tura ruat, Presiding Officer, Asst. Presiding Officer leh Polling Officer te tana training hi nimin khan a rualin Serchhip District chhunga Assembly bial pathum (3)-a duty turte tan neih a ni a, Training hi 26-Serchhip (ST) AC leh 28-Hrang-turzo (ST) AC ami te tan Govt. Higher Secondary School-a neih niin 27-Tuikum (ST) AC-a duty turte tan Serchhip DC’s Conference Hall-ah neih a ni bawk.
He training-a tel te hi Serchhip District Election Master Trainers 5 ten an hriattur pawimawh hrang hrangte an zirtir a. Inthlanna hmanrua (EVM & VVPAT) enkawl dan leh senghawi dan turte, Voter te chhinchhiah dan tur leh ECI in tihtur a tih ang thiltul pawimawh hrang hrangte inhrilhhriatna hun hman a ni a. Polling Booth tina duty tura ruatte hi inthlanna hmanrua te a taka hman chhin tir an nih bakah zawhna leh chhanna hun hman niin inthlanna hman-raw chungchanga harsatna thleng palh theite leh buaipui dan turte zirtir an ni bawk.
Lok Sabha inthlanpui neih turah hian Serchhip District tan Polling Party 105 ruahman a ni a, heng Polling Party te a\ang hian Polling Station 77-a kal turte chu tihfel ni tawhin a bak zawng te chu a \ul thuta kal nghal thei tura inring renga awm tura tih an ni a, Polling Station 77-a Duty turte hi an kalna tur Constituency tihfel sak ni tawhin naktuk-ah kohkhawm leh an ni anga, hetah hian an kalna tur Polling Station tifelin an bungrua te enfel tir nghal an ni dawn nia thu-dawn a ni a. District \henkhat-ah chuan hmun hla zuala duty turte an chhuak \an nghal ang.

Comments

Popular posts from this blog

PAN CARD an tih teh fo hi - Laldinpuia