Election Expenditure Observer in Serchhip tlawh

Lok Sabha Election, 2019 atana Election Commission of India in Serchhip, Champhai, Mamit leh Kolasib District te tana Expenditure Observer atana a ruat, H. Lallien Songate, IRS chuan Inrinni khan Serchhip a rawn tlawh a. Lok Sabha inthlanna buaipui meka Expenditure Monitoring Team hrang hrang te hnathawh dan a enpui.
Expenditure Observer hi District Electoral Officer, Sangchhin Chinzah, Addl DEO, Chuau-hnuna, Expenditure Monitoring Nodal Officer, R. Vanrengpuia, Election Officer, Vanlalhma-chhuana leh Media Nodal Officer, K. Saitluanga te nen DEO pisa-ah inkawmna neiin Lok Sabha inthlanpui inbuatsaihna kal meka Expenditure Monitoring kalpui dan tlangpui te an sawiho a. Serchhip a rawn tlawh thlenga report awm tawhte pawh an thlirho nghal niin hemi hnu hian Observer hian Expenditure Monitoring Team hrang hrangte chu an \huthmun ah a tlawh kual zui leh a ni.
Election Expenditure Observer hian Serchhip District MCMC & Media Centre pawh tlawh nghalin Media Nodal Officer leh MCMC Secretary, K. Saitluanga’n Media lama Serchhip District dinhmun te, MCMC hnathawh dan te report a pe a. Chumi hnuah Asst. Commissioner of Excise and Narcotics Office tlawh lehin hetah hian R. Laldinsanga, Asst. Commissioner chuan report pein an hnathawh dan hrilhfiahna a nei leh bawk a ni.
H. Lallien Songate chuan Serchhip-a Exependiture Monitoring Team te hnathawh dan a \hat leh \hat loh endik tura lo kal a ni lo tih sawiin, inthlanna felfai leh thianghlim a awm theih nana anmahni \anpuitu tur, harsatna emaw hriatthiam tawk loh an neih palha \anpui tura lo kal zawk a ni tih a sawi a. Expenditure Monitoring lamah harsatna an nei a nih chuan engtiklai pawhin biak theih reng a ni tih hriat sak turin inthlan buai-puitute chu a chah bawk a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia