Tihpalh thil-a sawrkar piang a ni lo tih sawi

Mizoram sawrkar in a din, Bamboo Link Road Committee-a Vice Chairman, Ramthanmawia, MLA chuan an sawrkar chu tihpalh thil leh vanneih thil thu maia lo piang a ni lo tih a sawi.

Nimin a Aizawl Mizo Hnam Run-a chhung Inkhawm ah Ramthanmawia, MLA hian thu sawiin an sawrkar chu Pathian mite leh thlarau mite \awng\aina rahchhuah a ni tih sawiin, “He ram tluchhe mek tungding leh turin Pathian in MNF hi a thlang a ni. Inthlan dawn khan min beitute min beih dan kha mipui awih zawng tak a ni a. 'Congress ni lo, MNF ni lo' an ti a, mipui pawh an thle dual dual a. Mahse MLA 26 lai Pathian in min pe tlat thung a ni,” a ti a. Kohhran mipui nawlpui, thlarau mite auhla pawh mipui sawrkar thar a ni tih sawiin, “Hetihlai hian sawrkar thar lo piang hi hleih neia kal leh party sawrkar angin a kal thiang tawh lo. Mipui sawrkar, Lalpa duh dana a kal a ngai tawh a, chuvangin mipui mimir hrim hrim pawh kan insiam thar tel a ngai,” a ti bawk.

Bamboo Link Road Committee Vice Chairman chuan a nihna chu an hmang \angkai dawn tih pawh sawiin, “PWD leh PMGSY-ten an cover loh ram \ha zuanin kawng thar tam tak kan lai ang. Sawrkar thar kan ni a, Department hote hi kan luhchilh tak tak a ngai a. Kum tam tak kalphunga an lo neih tawh \halo laite pawh hre lovin an lokal tawh a ni. Department-a thawktute pawh Pathian din sawrkar ngai pawimawh lo chu hren an ni ang. Policy tihlawhtling theitu kan zawng mai ang. Pathian hnena kan inhlan tawh angin MP leh MLA thar \ha tak kan neih ngei ka beisei,” a ti bawk.