Bial tina vote tlak dan
Bial tina vote tlak dan
Posts
NSFC te inhnehtawk
Serchhip a\anga Mizoram Premier League khelh tuma inbuatsaih, New Serchhip FC chuan nimin khan MPL Qualifying match hmasa khelin Kanan FC, Aizawl nen goal inpe lovin an inhneh-tawk a, New Serchhip FC hian naktuk Inrinni khian Venghnuai FC an hmachhawn leh anga, hetah hian a chak zawk zawk MPL khel turin an tling dawn a ni.
MJA Member-ah 2 la thar
MJA General Hqrs. Executive Committee tunhnaia \hukhawmin MJA atan mi 9 lakluh a remti a, heng zingah hian Serchhip District a\angin T. Biakchamliana (Serchhip Cable Network) leh RL. Hlupuia (TT Vision) te an tel a, tunah hian MJA Serchhip District-ah hian Member 12 awm mekin 15 an ni dawn ta a ni. MJA member thar atana lakluhte hian Membership Fee Rs. 400 leh Welfare Fund Rs. 100 pe nghal tura ngen an ni a, Fee an pek hunah MJA Member a chhiar \an nghal an ni dawn a ni.
Counting Hall tam dawn
Thla thar ni 11-a Assembly inthlanpui-a Vote tla te chhiarna neih turah \umdang aia Vote chhiar zofel hma tura ruahman a ni.
CVSc&AH-ah Annual Convention & Symposium nei
Nithum chhung awh XXXIII Annual Convention & National Symposium 2018 chu College of Veterinary Sciences & Animal Husbandry (CVSc & AH), Central Agricultural University (CAU), Selesih-ah neih mek niin Vawiin hian zawhfel a ni ang.
Ajasorra Polling Station-ah Vote thlak leh dawn; Mizoram pumah EVM leh VVPAT thalo tam
Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin Vawiin mipuiin vote an thlak \ha dawn.
EVM leh VVPAT te Strong Room-ah dah kim niin Mizoram pumah vote 80.13% a tla phak
Mizoram Legislative Assembly inthlanna atana niminpiah a vote thlakna Electronic Voting Machine leh VVPAT te chu nimin chawhnu khan District Hqrs. hrang hrangah dawn kim a ni a. Zawhna chhangin Chief Electoral Officer,Ashish Kundra chuan tun dinhmuna vote tla zat hi chawhrualin za zela 80.13 a tling tih a sawi.
Party ten hnehna chan beisei
Mizoram Assembly inthlanpui-a nimin a vote thlak takah party hrang hrang hotuten hnehna chan ngei an inrin thu an sawi.
Mizoram pumah Assembly inthlanpui harsatna lian awm lovin neih a ni
Mizoram Legislative Assembly inthlanpui atan nimin khan tluang taka vote thlak a ni a, Mizoram pumah thil duhawmlo liantham thleng a awm hriat a ni lo.
Serchhip District-a Assembly inthlanpui neih ah Bial pathum-ah Vote za zela 84.11 a tla phak
Serchhip District-a Vote tlak dan tlangpui Mizoram State Assembly 8-na din tura inthlanpui chu nimin khan Serchhip District-ah tluang taka neih a ni a, khawi hmun a\ang mahin thil duhawmlo a thlen hriat a ni lo a, Serchhip District chhunga Assembly bial pathum (3) ah a vaiin Vote zaa 84.11 a tla phak.
Vote thlak hi ka mawhphurhna a ni
Vote thlak hi ka mawhphurhna a ni - C. Lalrochhuanga, New Serchhip
Larsap in Home leh puantahna hmun a tlawh
Mizoram Larsap, Kummanam Rajasekha-ran chuan nimin khan Aizawl Khatla-a Motherless Babies’ Home leh Zonunsang Handloom, Chhinga Veng te a tlawh.
JCB chesual-ah Operator thi
Serchhip IOC Veng-a cheng C. Lawm-zuala JCB chu Pathianni khan Serchhip leh Kei\um inkarah a chesual a, he chetsualna ah hian JCB Operator, VK. Liana (39), Zuangtui chu a hmunah boralin he vanduaina thleng avang hian nunna chan, VK. Liana nu chu a boral zui ve leh bawk.
Mercy Hospital kum 1 tlin lawmna neih a ni
Mercy Hospital (Rural Diagnostic & Research Centre), Serchhip chuan nimin khan an kum khat tlin lawmna an nei.
Mizoram State Assembly inthlanpui nei turin inbuatsaihna engkim peihfel a ni tawh
Tukin dar 7:00 a\anga member 40 awmna Mizoram State Assembly inthlanpui vote thlak turin inbuatsaihna engkim peihfel a ni tawh a, inthlanna buaipuitu zawng zawng pawhin an duty-na hmun \heuh an thleng kim tawh.
Mizoram State Assembly 8-na din turin Vawiin ah Vote thlak a ni dawn ta
Mizoram State Legislative Assembly inthlanpui vawi 8-na Vawiin-a neih tur atan inbuatsaihna peihfel a ni ta a. He intlanna a Serchhip District chhunga Polling Station hrang hranga duty tur Polling Party te pawhin nimin khan an duty-na tur hmun an pan fel ta bawk.
Inthlanna bungrua pechhuak
Serchhip District Assembly bial pathum-a duty tur Polling Party te chuan nimin khan inthlanpuia an hman tur bungrua te an lachhuak \an.
Police te hnathawh tur inhrilhfiahna neih leh a ni
Assembly inthlanpuia Serchhip District chhunga venhimna hna thawktu tur Police te tan nimin khan an hnathawh tur inhrilhhriatna leh infuihna hun hman a ni.
Mizoram Assembly inthlanpui neih tur atan Campaign theih hun khar a ni ta
Mizoram Legislative Assembly inthlanpui neih tura campaign chuan a vawrtawp a thleng ta a, nimintlai dar 4:00 khan inthlanpui atana campaign theih hun pawh tawpin Political Party te chuan nimin tlai thleng khan Campaign hi an nei a ni.
Inthlang turin Police te inpeih thawhkhat
Mizoram Police te chuan Assembly inthlanpui boruak muanawm tak leh felfai taka nei turin an inpeihfel thawkhat tih an sawi.
Mizoram Assembly inthlanpui neih tur atan inbuatsaihna peihfel thawkhat a ni tawh - CEO
Mizoram Chief Electoral Officer, Ashish Kundra, IAS chuan nimin khan CEO Conference Hall-ah State chhung leh pawnlam chanchinthar lakhawmtute kokhawmin naktuk maia Mizoram inthlan neih tur atan engkim peihfel thawkhat a ni tawh tih a sawi.
Party hrang hrang ten tlin ngei an inrin thu an sawi
Assembly inthlanpui neih turah Serchhip-a party hrang hrangte chuan hnehna an chan ngei an inrin thu an sawi.
Mizoram Assembly inthlanpui a duty turte Vawiin a\angin an chhuak \an dawn ta
Mizoram Legislative Assembly inthlanpui neih tura inbuatsaihna chuan a vawrtawp a thleng chho \an mek a, he inthlanna neih turah hian bial 40-ah vote nei thei mi 7,70,395 awmin he inthlanna a duty tur Polling Party \henkhat chuan Vawiin hian an duty-na tur hmun an pan ang.
MLA Candidate 209 zinga 9 in thubuai an awrh
Karleh Nilaini-a Mizoram Assembly Elections 2018 neih turah Association for Democratic Reforms (ADR) chuan candidate te affidavit thehluh a\anga a zirchianna ah Candidate 209 an awm a. Chung zinga mi 9 chuan thubuai (criminal case) an awrh mek a. Candidate zinga mi 116 te erawh chu hausa tawntaw (crorepati) an ni, an ti.
MPCC thusawi lemchanna tenawm ah ngai
ZPM chuan MPCC Media department ten thuthar thehdarhtute hmaa "Zu chungchanga nasa taka \awng\aitu Kohhrante hi Zu zawrh chungchangah kan rawn zel dawn tih kan puang a ni," tia an sawi chu mipuite laka lemchanna leh vote zawnna tenawm takah an ngai tih an sawi.
MNF in CADC lo piang nawlh pawi an ti
MNF Election Campaign Directorate-a Chairman, R. Tlang-hmingthanga chuan MNF in Zalenna a sual a, a rammut hlan a Mizoram-ah Chakma Autonomous District Council a lo piang nawlh mai chu MNF chuan pawi a ti tak meuh tih a sawi.
Kum 17 tang turin rel sak
Special Court Judge, R. Vanlalena chuan Khumlalmuana S/o V. Lalchhunga, Mumbung khua chu kum 17 chhung Jail tang tur leh pawisa Rs. 7,000/- chawi bawk turin a chungthu a rel sak.
Postal Ballot-ah Vote tla \ha
Serchhip District chhung Assembly Constituency pathum-a duty tur te tana kar kalta Nov. 16, 2018 a\anga Postal Ballot hmanga Vote thlakna hun hawn ah nimin thleng khan Vote tla 1247 awm tawh.
NPP in Serchhip-ah Vantlang inkhawm neiin NPP Candidate thlangtling turin an sawm
Mizoram Assembly inthlanpui neih tur atana Campaign in National Peoples’ Party (NPP) chuan nimin khan Serchhip-ah Vantlang Inkhawm an buatsaih a. He hunah hian NPP President leh Meghalaya Chief Minister, Conrad Sangma chuan thu a sawi a ni.
Mizoram NGO ten Prime Minister an kawm
NGO Coordination Committee chuan nimin khan Mizoram-a rawn kal, Prime Minister Narendra Modi chu Aijal Club-ah hmu-in Bru harsatna chingfel thuai turin an ngen.
Swachh Survekshan-2019 ah khawpui fai zawk nih theih dan tur Serchhip-ah sawiho a ni
Serchhip District Urban Development Officer (DUDO), Vanthangpuii chuan India hmarchhak-a khawpui fai inelna, Swachh Survekshan-2019 neih mekah Serchhip in lawmman \ha zawk a lak theih nan hmalak mek a nih thu sawiin, Serchhip mipuite pawhin faina chungchanga an hmalakna chu chhunzawm zel se a duh thu a sawi bawk.
Voter te thlamuang taka Vote thlak turin duhsak
MNF chuan Assembly inthlanpui neih tur chu inthlanna thianghlim, fel leh fai nise a duhin voter zawng zawngten thlamuang takin vote an thlak theih nan duhsakna sang ber a hlan.
Zu chungchang ah MPCC in Kohhran rawn zel tum
Mizoram Pradesh Congress Committee (MPCC) Media Department chuan, “Zu chungchanga nasa taka \awng\aitu Kohhrante hi Zu zawrh chungchang ah kan rawn zel dawn,” an ti.
MPF in inthlanna muanawm an beisei
Mizoram People Forum (MPF) chuan thawhhona \ha tak avangin inthlanna muanawm tak leh \ha tak kan nei thei dawn nia an hriat thu sawiin, lawmawm an tih thu an sawi.
Excise ten zu leh ruihtheih thil man hnem tawh
Serchhip-a Excise & Narcotics Department chuan Assembly inthlanpui neih tur puan a nih hnuah Zu leh ruihtheih thil dapchhuah hna thawkin thubuai \hahnem tak ziahluh a ni tawh.
DoNER Minister hovin Ser-chhip-ah BJP an campaign
BJP Serchhip District chuan Assembly in-thlanpui neih tur atana Campaign in nimin khan Serchhip Auditorium-ah Vantlang Inkhawm an buatsaih a. He hunah hian Union DoNER Minister, Jitendra Singh chuan hmanpuiin Serchhip-ah BJP MLA thlangtling turin mipuite chu a sawm bawk.
Record leh document vawn that kawngah nasa taka tan lak a ngai - Larsap
Mizoram Larsap, Kummanam Rajasekharan chuan nimin khan Aizawl Babutlang-a State Archive Office chu tlawhin Mizoram-ah record leh document vawn \hat kawngah nasa taka \an lak a ngai thu a sawi.
Bru chungchanga HC-a PIL thehluh avangin inthlan hun sawn a nih a rinloh thu CEO in a sawi
Mizoram Chief Electoral Officer, Ashish Kundra, IAS chuan nimin tlai khan Aizawl-ah thuthar theh-darhtute kawmin Tripura Relief Camp-a awm mek ten Vote an thlakna tura ruahmanna an siam te a hrilhfiah a. Bru chungchang ah High Court-a PIL thehluh a nih avangin inthlan hun sawn a nih a rin loh thu a sawi bawk.
Bru Relief Camp-a awm ten an Camp-ah \heuh Vote thlak an duh thu CEO hnenah an thlen
Tripura Bru Relief Camp-a Bru hnam hruaitute chuan vote thlak tura Mizoram-a kal lova Relief Camp a vote thlak an duh thu Mizoram CEO, Ashish Kundra an lo hrilh.
Politics-a inbeihna niin sawi
Home Minister a\anga bang ta, R. Lalzir-liana chuan kum 2007-a Rev. Chanchinmawia thih dan chungchanga MNF President, Zoram-thanga puhna chu thu diklo leh politics tenawm tak hmanga inbeihna a ni, a ti.
Ramri chungchang huai taka sawi thei party chu ZPM chauh a ni - Lalduhoma
ZPM Chief Ministerial Candidate, Lalduhoma chuan ramri chungchang huai taka sawi thei party chu ZPM chauh a nih thu a sawi.
Lal Thanhawla’n campaign in Chawngte a tlawh
Assembly inthlanpui neih tura Campaign in nimin khan MPCC President, Lal Thanhawla chuan Chawngte tlawhin an Party mipuite hmaah thu a sawi.
Rualbanlote dikna humhalh chungchang inrawnkhawm
Nimin khan New Serchhip YMA Hall-ah rualbanlote dikna humhalh chungchang sawi-hona leh inrawnkhawmna neih a ni a, he hun hi Person with Disabilities (PwD) Commissioner, Dr. Lalnunthara chuan a hmanpui.
NPP tan Minister campaign
Meghalaya Home Minister, James Sangma chuan Assembly inthlanpui neih tur atan nimin khan Serchhip bial-ah NPP tan a rawn campaign a, Serchhip leh Thenzawl-a an Party mipuite hma ah thu a sawi.
ZPM hruaitu ten an pawl beihna hrang hrang thuthar thehdarhtute hmaah an sawifiah
ZPM General Hqrs. a\anga hruaitu rawn kal an hruaitu \henkhat te chuan nimin khan Serchhip-a tualchhung thuthar thehdarhtute kawmin tunlai-a ZPM beihna hrang hrangte an sawifiah.
Kolasib NGO ten hmalak zel dan tur an rel
Kolasib All NGO Coordination Committee chuan Dan lova Tuikuk Electoral Roll-a khung te chungchanga PIL an thehluh chungchangah hmalak zel nise an ti.
MNF Party-in Party dangte chanchin chuanna pamphlet an sem mek hnukdawk turin hrilh an ni
Mizoram Chief Electoral Officer, Ashsish Kundra, IAS chuan a hun dik takah Mizoram mipuiin vote an thlak theihna turin sawrkar chuan theihtawp a chhuah mekna ah Political Party te pawhin an thlawp \hat a pawimawh thu sawiin, MNF Party-in Party dangte chanchin chuanna pamphlet an sem mek pawh hnukdawk turin a hrilh bawk.
26-Serchhip Constituency leh 2018-a MLA Candidate te bihchianna-II
26-Serchhip Constituency leh 2018-a MLA Candidate te bihchianna-II
MNF in sum awmna sawifiah an phut
MNF Party chuan Congress sawrkar, Law & Judicial Department-a sum cheng vbc. tel tihbo leh a awmna chin hriatloh chu tun inthlan hma ngeiin Mizoram mipui min hrilh turin sawrkar an phut tih an sawi.
ZPM in Aizawl Police Station-ah FIR an thehlut
ZPM chuan thuchhuah siamin BJP leh ZPM thawkho anga mipuiin an ngaih theihna tur, thuziak eng engemaw te nen a tarlanna, MNF Party Campaigner leh workers ten an thehdarh chungchangah nimin khan Aizawl Police Station-ah FIR an thehlut tih an sawi.
Fire Awareness Campaign
Serchhip-a Fire and Emergency Services te chuan nimin zing khan Fire Awareness Campaign neiin training an nei.
YMA hmalakna bawhzui rel
Serchhip Sub-Hqrs. YMA chuan nimin khan Executive Committee neiin Krismas leh kumthar vuakvet-ah halpuah leh halmawi bakah a mu kap-chhuak thei Silai te khapna chak taka bawhzui nise an ti.
Larsap in Home tlawh
Mizoram Larsap, Kummanam Rajasekharan chuan Hnuchham, fahrah leh riangvaite enkawl hna chu thil ropui tak - khawtlang, mahni mihring-puite leh Pathian rawngbawlna a ni, a ti.
Postal Ballot hmangin Vote thlak mek zel
Serchhip District chhunga Assembly inthlanpuia duty turte tana Postal Ballot hmanga Vote thlakna hun hawn mekah vote a tla \ha thawkhat hle a. Postal Ballot-a Vote thlakna hun hi Vawiin thleng hawn a ni ang.
Tripura Relief Camp-a awm te vote thlakna tur ruahman mek Mizoram CEO in a tlawh
Mizoram Chief Electoral Officer (CEO), Ashish Kundra chuan nimin khan Mamit District chhungaKanhmun khua a Temporary Polling Station 15 hmun turte leh Temporary Polling Station sak mek te a enfiah a. Tripura-a Bru Camp-ah hian tun dinhmun ah Vote nei mi 11,968 an awm mek nia chhinchhiah a ni.
26-Serchhip Constituency leh 2018-a MLA Candidate te bihchianna-I
26-Serchhip Constituency leh 2018-a MLA Candidate te bihchianna-I - Laldinpuia
Postal Ballot in Vote thlak mek
Assemby inthlanpui neih tura duty tur hrang hrangte chuan tunlai hian Postal Ballot hmangin Vote an thlak mek a.
EVM hmanna tur tifel a ni
Nimin khan District Informatics Centre, Serchhip-ah MLA General Election 2018 a vote thlakna tur hmanrua te thliarfelna, Randomization of EVM chu a thawh hnihna neih a ni.
Candidate te sum hman dan enfiahna neih a ni
Assembly inthlanpui neih tura Candidate te sum hman dan endikna hmasa ber chu nimin khan Serchhip-a I&PR Conference Hall-ah Expenditure Observer, Divakar Chakravarty hovin neih a ni.
Serchhip-ah a vawikhatna atan ‘World Toilet Day’ hman a ni
Nimin khan Serchhip-a a vawikhatna atan ‘World Toilet Day’ hman a ni a, hemi rual hian Serchhip District chhunga Swachhagrahi (Village Sanitation Surveyor/Door to Door Campaigner) te tana training neih nghal a ni.
Vawiin a\angin APL tan PMJAY hman theih dawn
Sawrkar laipuiin mi harsate damdawi inenkawlna tura ruahmanna thar a siam Pradhan Mantri Jan Arogya Yojana (PMJAY) chu Vawiin, November ni 20,2018 a\angin Mizorama APL chhungkua ten an hmang thei dawn.
Mizoram Larsap hovin Aizawl-ah Inter-Collegiate Youth Festival-2018 hman a ni
Central Agriculture University, Imphal hnuaia College 12 te intawhkhawmna, Inter-Collegiate Youth Festival, 2018 Vawi 5-na chu nimin khan College of Veterinary Science & Animal Husbandry (CVS&AH)-ah Mizoram Larsap, Kummanam Rajasekharan chuan a hawng.
NGO ten ngenna siam leh
Mizoram-a tlawmngai pawl hrang hrangte telna, NGO Co-Ordination Committee chuan Nov. 6 leh 7-a Hnam Chhan Hnatlang neih zawh taka NGO te thilphut a hlawhtlinna atana thawk te chungah lawmthu an sawi a.
ZPM Research Wing-in ZPM chu Mizoram damna Policy leh rinngam awmchhun ah ngai
Mizoram University-a thil zirchiangtu hrang hrang telna ZPM Research Wing chuan ZPM chu Mizoram damna Policy awmchhun leh rinngam awmchhunah a ngai.
Diklo taka sum dawng ah puh
MPCC Media Department Chairman, Lallianchhunga chuan Sawrkar laipui Human Resource Development Ministry hnuaia Sakhaw tenau behchhana zirna In ten \anpuina an dawn theihna, Infrastructure Development for Minority Institute hmangin Aizawl FC Football Academy-in diklo takin sum an dawng niin a sawi.
Serchhip-ah Zoramthar Vantlang Inkhawm neih a ni
Zoramthar chuan Inrinni khan Serchhip Bazar-ah Vantlang inkhawm buatsaihin Mizoram inthlan-pui neih turah Mizoram-ah Pathian lalram a ding dawn niin an sawi.
Driver te chunga hleilenna Driver ten an dem
Mizoram Tipper Association chuan Driver te chunga hleilenna chu sawrkar hotu ten sim tawh se an duh thu an sawi.
Serchhip-ah Congress in Vantlang Inkhawm an nei
NLUP kan sem chhunzawm zel dawn - Lal Thanhawla Serchhip Block Congress Committee buatsaihin Inrinni khan Serchhip Bazar-ah Vantlang Inkhawmneih a ni a, he hunah hian Serchhip bial-a Congress Candidate, Lal Thanhawla leh an Party hruaitu dang ten thu sawiin Lal Thanhawla chuan NLUP chu sem chhunzawm zel a nih dawn thu a sawi.
MNF in BJP leh Congress a thawhpui ngai dawn lo
MNF President, Zoramthanga chuan, “Pathian leh kan ram tan titu MNF leh BJP Hindutva hi a kal dun thei ngai lo ang,” tiin MNF chuan BJP leh Congress a thawhpui ngai dawnlo tih a sawi.
ZPM in Independent-a inthlan a chuh chhan sawifiah
ZPM Sr. Vice President, Dr. Kenneth Chawngliana chuan nimin khan thuthar thehdarhtute kawmin ZPM in Assembly inthlanpui neih tur Independent-a an chuh chhan a sawifiah.
Eirawngbawlna Gas man thar
Mizoram sawrkar-a FCS&CA Department chuan tun thla (November, 2018) chhunga Mizo-ram-a eirawngbawlna Gas man tur bithliah tharin hemi ang hian Serchhip-ah chuan Eirawngbawlna Gas Domestic Cylinder Kg. 14.2 a rit chu Rs. 1081/- a ni tawh dawn a, hetah hian Subsidy Rs. 576.99 zel pek a ni ang. Tuna Gas man hi a hma ami aiin a sang hret a ni. Hei bakah hian Kg. 19-a rit Commercial Cylinder man chu bur khat zelah Rs. 1877/- a ni bawk ang.
Science Exhibition nei
Little Flower Convent School Serchhip chuan nimin khan an School-a Science Ex-hibition cum Flower Show an nei a. He hunah hian an zirlai naupang, Kg-A a\anga pawl 8 thleng ten thil chi hrang hrang phochhuakin pawl 6 chin chunglam ten Science thiamna hmanga thil tih theih chi hrang hrang an phochhuak bawk a. He Exhibition hian hlut a hlawhin an zirlai naupangte bakah Marian High School naupang te leh zirlai nu leh pa ten an tlawh a ni.
END Commissioner rawn kal
Mizoram sawrkar Excise & Narcotics Department-a Commissioner leh Secretary, KT. Beicho chuan nimin khan Serchhip-a Assistant Commissioner of Excise & Narcotics Office chu tlawhin an dinhmun a enfiah.
Inthlanpui-a duty tur ten training neiin Vote an thlak
Assembly inthlanpui lo awm tura Serchhip District chhung Assembly bial pathum-a duty tur Presiding Officer (PRO) leh Assistant Presiding Officer (APRO) te tana Training vawi hnihna chu nimin khan neih a ni.
Tripura Refugee Camp-a Bru-te chu Mizoram-a Kanhmun-ah Vote thlak tir tum an ni
Mizoram Chief Electoral Officer (CEO) thar, Ashish Kundra, IAS chuan Bru voter-ten an vote thlakna turin ramri hnaih deuh Kanhmun khuaah Polling Station siam sak a nih a rin thu a sawi.
ZPM Candidate lei mai mai theih nilo tih sawi
ZPM Val Upa Council Member, Rinsanga chuan ZPM Candidate te chu midang anga lei mai mai theih an awm ve lo tih a sawi.
Ramchhung hmundangte rualin Serchhip-ah ‘National Press Day’ hman a ni
Rampuma Press mite zalenna leh mawhphurhna inhrilhhriatna Ni atana hman \hin, National Press Day chu nimin khan ramchhung hmun hrang hrangah hman niin Serchhip-ah pawh District Information & Public Relations Officer (DIPRO) Office buatsaihin urhsun taka hman a ni.
MHIP hruaitu ten naupang humhalhna Dan an zirho
District Child Protection Unit, Serchhip buatsaihin nimin khan Serchhip-a MHIP Branch hruaitute tan Naupangte venhimna leh hum-halhna Dan hrang hrang zirhona neih a ni.
BLO tan Training neih a ni
Assembly inthlanpui neih tura Serchhip District chhunga Booth Level Officer (BLO) te hna thawh dan tur chungchang inhrilhhriatna leh zirhona chu nimin khan Serchhip-ah neih a ni.
Thenzawl-a Golf Course siam mekah hnathawh tur zaa 90 vel zawh a ni tawh
Sawrkar laipui-a Ministry of Tourism kaltlanga Thenzawl khuaa Golf Course siam mek chu kumin chhung hian zawh hman beisei a ni.
Larsap in ASI leh INTACH hotute a kawm
Nimin khan Raj Bhawan-ah Governor Kummanam Rajasekharan chuan Archaeological Survey of India (ASI) hotute leh INTACH Mizoram Chapter hruaitute a kawm a. He hunah hian Governor chuan ASI leh INTACH hotute chu Vangchhia hmuna Heritage Site chungchang leh hmalakna kal mek te a sawipui.
Election Commission in Mizoram CEO atan Ashish Kundra, IAS a rawn ruat thar ta
Election Commission of India chuan Mizoram-a tlawmngai pawlte duhloh Chief Electoral Officer (CEO), SB. Shashank chu la chhuakin a aiah Mizoram sawrkar-a Higher and Technical Education changtu Secretary, Ashish Kundra chu CEO thar atan nimin khan a rawn ruat ta.
Candidate 209 awm ta
Candidate list kimchang nen Mizoram Assembly inthlanpui neih turah Candidate 209 an awm dawn ta a, INC leh MNF te chuan bial 40-ah Candidate 40 ve ve neiin BJP in Candidate 39 an nei thung a. ZPM in Independent Candidate hmangin bial 37 an chuh dawn bakah Independent bawk Zoramthar in Candidate 23 an nei anga PRISM Party in candidate 13 neiin NPP in 9 leh NCP in 5 neiin behchhan neilo Independent Candidate 3 an awm bawk.
Candidate 3 inhnukdawk
Assembly inthlanpui chuh tuma Nomination File te tana inhnuhdawh hun hnuhnung ber nimin khan ZPM a\anga Independent-a 37-Lawngtlai West chuh tumtu, N. Lalmama chu inhnukdawkin Aizawl East-II a\angin Zo-ramthar Candidate a inhnuhdawh hnuah PRISM Candidate, Lalenkima Khiangte chu a inhnukdawk leh a, heti hian Candidate 3 te an inhnukdawk ta a ni.
K|P Member ten thisen pe
New Serchhip Pastor Bial K|P te chuan an kum 25 tlin lawmna atan nimin khan Serchhip Blood Bank-a dah turin thisen an pe a, thisen 28 an ni a, Serchhip Blood Bank-a thawk ten New Serchhip Kohhran Sunday School Hall ah mi tlawmngai te thisen hi an lak sak a ni. New Serchhip Pastor Bial huamchhungah hian K|P Branch 5 awmin Member 823 an awm mek a, Oct. 28, 2018 hmang khan an Silver Jubilee lawmna pui ber chu an lo nei tawh a ni.
CMS in Parents Day hmang
Chawngbuangin Memorial School Serchhip chuan nimin khan Parents Day neiin Serchhip SDEO, Vanlalchhana chuan khuallian niin a hmanpui.
Kolasib-ah Hnam hnatlang neiin HC in PIL a pawm
Kohhran Hruaitu Committee ngenna avangin Kolasib-a All NGO Coordination Committee in Hnam hnatlang an neih chu nimin tlai khan tih-tawp lailawk rih a ni.
'Naupangte Ni’ pualin Mizoram Larsap in Zirlai naupangte Raj Bhawan-ah a kawm
Nimin khan India Prime Minister hmasa ber, Pandit Jawaharlal Nehru piancham denchhenin 'Naupangte Ni' hman niin Aizawl-ah chuan Larsap in Raj Bhawan Multipurpose Hall-ah sikul naupangte nen inkawmna hun a buatsaih.
Serchhip District-ah inhnukdawk awm lovin Bial pathum-ah Candidate 19 an awm dawn
Mizoram Assembly inthlanpui chuh tuma hming pelut te tana inhnuhdawh theih hun chu nimin tlai dar 3:00 khan khar niin Serchhip District chhunga inthlanpui chuh tum te zingah inhnukdawk an awm lo a. Serchhip District Election Officer, Sangchhin Chinzah chuan nimin tlai khan thuthar thehdarhtute kawmin an inbuatsaihna a hrilhfiah bawk.
Quiz Competition nei \an
Serchhip Sub-Hqrs. YMA-a Education and Youth Affairs leh North East Initiative Development Agency (NEIDA) \angkawp buatsaih Ser-chhip District NEIDA High School Quiz Competition chu nizan khan neih \an a ni a, he Quiz Competition-ah hian Serchhip District chhunga High School 14 telin nizan khan School 7 ten intihsiakna an nei nghal a ni. He Quiz Competition hi Serchhip khawpui chhunga Cable TV zawng zawng-ah live-a pekchhuah a ni bawk.
Damdawi zuartute hriat tur pawimawh hrang hrang zirhona Serchhip-ah neih a ni
Health Department hnuaia Food & Drug Administration buatsaihin nimin khan Serchhip District chhunga Drug License neite tan an hnathawhna kawnga an hriat tur pawimawh hrang hrang zirhona neih a ni.
Nomination Paper enfiah hna zawhfel a ni
Tun thla ni 28-a Mizoram Legislative Assembly inthlanna neih tura seat awm zawng zawng 40 inchuh tura candidate 212-te hming pek luh endik hna nimin zawhfel a nih hnuah hming pekluh zawng zawng 212 te chu pawm vek a ni.
MZP hruaitute MPCC Office-ah an leng
Lokayukta hman tura peihfel a ni tawh - MPCC MZP ten Assembly inthlanpui neih tur puala Political Party hrang hrang Office an tlawh mekah nimin khan Mizoram Pradesh Congress Committee (MPCC) Office tlawhin ramri chungchang, Education chungchang, Chakma Foreigner chungchang leh Lokayukta chungchanga hmalak an tum dan leh hmachhawp an neih te an sawipui.
ZPM in beihna hrang hrang a tawk mek - Lalduhoma
ZPM Chief Ministerial Candidate, Lalduhoma chuan, “ZPM chuan beihna hrang hrang a tawk mek a, mahse Pathian chuan min beitute meithal min tihzawp sak zel a ni,” a ti.
Mahatma Gandhi piancham vawi 150-na pual Seminar
Mizoram sawrkar-a General Administration Department (GAD) leh Governor's Secretariat \angkawp buatsaih Mahatma Gandhi piancham vawi 150-na lawmna pual Seminar chu nimin khan Raj Bhavan Durbar Hall-ah neih a ni a, he hun hi Larsap, Kummanam Rajasekharan chuan a hmanpui a ni.
Kan boruak a \hat avangin dawtin min bei - Zoramthanga
MNF President, Zoramthanga chuan MNF chu an boruak a \hat avangin BJP nen thawkho tiin dawtin an bei niin a sawi.
Nomination Paper hnawl awmlo
Assembly inthlanpui neih tura Serchhhip District chhunga inthlan chuh tum zingah Nomination Paper hnawl an awm lo.
Assembly inthlanpui neih tur atan Serchhip-ah NPP hruaitu ten campaign an rawn nei
Nagaland a\anga rawn kal National People Party (NPP) hruaitute chuan nimin khan Serchhip Bazar-a NPP Office-ah inkhawm buatsaihin Assembly inthlanpui neih turah Serchhip bial-a an Candidate lo vote \heuh turin mipuite an sawm.
Polling Station venhim ngai zual 70 awm
November ni 28, 2018-a Mizoram Assembly inthlan lo awm turah Polling Station 1,164 awm zinga 70 chu venhimna uluk zual ngai ah ngaih a nih avangin Police silai kengte dah a ni dawn.
Thla 5 chhungin Chhiah vbc 239.86 hmu tawh GST a\anga hmuh vbc 166.53 a tling
Mizoram sawrkar-a Taxation Department chuan sawrkar kum kal mek 2018-2019 a thla nga (April - August) chhungin chhiah Rs. 23,98,638,162/- a hmu tawh a, hemi hun chhung vek a GST atanga chhiah hmuh zat chu Rs. 1,66,53,42,151/- a tling bawk.
PRISM Party in Counter Affidavit an file thu an sawi
PRISM Party chuan MLA inthlana din tuma Nomination File mi 28 lakah Counter Affidavit File a nih thu an sawi.
ECI in Exit Poll khapna tichhuak
Election Commission of India (ECI) chuan Chhattisgarh, Madhya Pradesh, Rajasthan, Mizoram leh Telangana State-a Legislative Assembly Inthlanpui 2018 lo awm tura Exit Poll buatsaih khapna thupek a chhuah.
MZP hruaitute Mizoram BJP Office-ah an leng
MZP chuan Assembly inthlanpui neih tur puala Political party hrang hrangte an kawmna kalzelah Inrinni khan BJP Mizoram Pradesh Office-ah lengin BJP Mizoram hruaitute nen inkawmna an nei a. MZP hruaitute hian BJP party-in ramri chungchang, Education, Chakma Foreigners chungchang leh Lokayukta chungchanga hmalak an tum dan leh hmachhawpte an zawt a ni.
F.Lalngura chanchin tlangzarh
Zirtawpni tlai khan Chaltlang YMA Hall-ah 'F.Lalngura chanchin leh a kut chhuak hla te' tih lehkhabu, a fapa Er. F.Lalsanglura (Sr. EE, PHE Serchhip WATSAN Division) buatsaih chu Rev. Lalchungnunga, Founder, Mission for Christ chuan tlangzarh a. He lehkhabu-ah hian Upa F. Lalngura chanchin bakah Pathian hla a lehlin te, Harmonised leh hla lenglawng a phuah te chu Tonic Solfa nen dah a ni. Upa F. Lalngura hi kum 1920-ah Tarpho lal fapa ni turin a lo piang a, kum 1995 khan kum 75 mi niin chatuan ram a pan a ni.
Mathematics Exam nei
Mizoram Mathematics Society buatsaihin Inrinni khan Mizoram hmun hrang hrangah Mathe-matics Competitive Exam buatsaih a ni a, he Exam hi Serchhip-ah pawh neih niin zirlai 277 an Exam a ni.
Pawl 8 zirlaite tan Scholar-ship Exam buatsaih
Serchhip DIET buatsaihin Inrinni khan Serchhip District-a pawl 8 zirlaite tan National Means-cum-Merit Scholarship Exam neih a ni a, hemi hma Inrinni liamta khan pawl 10 zirlaite tan National Talent Search Exam neih a ni bawk.
CADC sawrkar-a BJP leh Congress thawhdunna atangin Congress in an inhnukdawk tih an sawi
Chakma Autonomous District Council (CADC)-a Congress leh BJP thawhhona ah CADC CEM leh Chakma BJP hruaitu, Shanti Jiban Chakma in hnathawh phung a hriat loh avangin Congress party chu an thawhhona United Legislature Party (ULP) a\angin a bang tih CDCC hruaituten an sawi.
Assembly inthlanpui chuh turin mi 212 ten Nomination Paper thehlutin Vawiin ah enfiah dawn
Mizoram Assembly inthlanpui neih tur chuh tumte tana Nomination Paper thehluh theih hun chu khar a ni ta a, Bial 40 awmna he inthlanna chuh tur hian mi 212 ten an hming an pelut a. Congress leh MNF te chuan bial awm zawng zawngah Candidate dahin inthlanna hi an chu dawn a. Heng hming pekluh hi Vawiin ah enfiah a ni ang.
MZP hruaitute Mizo Hnam Run-ah an leng
MZP General Hqrs. hruaitu ten Political party hrang hrang an kawmna kal zelah nimin khan Aizawl Mizo Hnam Run tlawhin MNF party hruaitute nen inkawmna an nei a, MNF sawrkar a din huna hmalak an tumna hrang hrang an sawiho.
Party dangin MNF an beihrawn - Zoramthanga
MNF President, Zoramthanga chuan Party dangin ten MNF chu sawrkar tura an ngaih avangin an beihrawn nasa hle tih sawiin, BJP chu an thawhpui loh thu a sawi bawk.
MZU Convocation nei
Mizoram University Convocation vawi 13-na chu nimin khan MZU Multipurpose Hall, Tanhrilh-ah neih a ni a, he hun hi Mizoram Larsap, Kummanam Rajasekharan, Rector of Mizoram University ni bawk chuan khuallian nia hmanpuiin zirlai 3922 te hnenah Dergee pek thar an ni.
Khawvel huap inelna nei dawn
Mizoram Aero Sports Association (MASA) hruaitute chuan nimin khan Serchhip-a thuthar thehdarhtute kawmin Serchhip in Mizoram Open Pra-Gliding Accuracy Championship-2018 a thlen tur chungchang an sawifiah.
Serchhip District-a Assembly inthlanpui chuh turin mi 19 ten Nomination Paper an thehlut
Mizoram Assembly inthlanpui chuh tumte tana hming pekluh hun nimin a khar takah Serchhip District-a Assembly bial 3 chuh turin mi 19 in hming an pelut a. Nimin bikah mi 3 in Nomination Paper an thehlut a ni.
Serchhip District-a Observer te biakpawh theih
Assembly inthlanpui neih tura Serchhip Distric chhunga Observer turte chu mipuite tana biakpawh theih turin an awm ta.
CEO a\angin SB. Shashank an sawn chhuak dawn; Bru-ten an Camp-ah vote an thlak dawn lo
Nimin tlai khan Election Commission of India (ECI) hotute Dy. Election Commissioner Sudeep Jain hova Aizawl-a lokalte chu All NGO Co-Ordination Committee hruaitute nen an inkawm a, ECI hotute chuan Tripura Camp-a Bru-te an awmna hmuna vote an thlak tir dawn loh thu leh Mizoram Chief Electoral Officer (CEO), SB. Shashank sawn chhuah a nih dawn thu an sawi.
MKHC in mipuite ngen
Mizoram Kohhran Hruaitute Committee (MKHC) chuan Social Media hrang hranga thu-ziak leh lemziak thehdarh ah mipuite fimkhur turin an chah.
Mizoram Police ten thu thehdarh hrang hranga fimkhur turin mipuite an ngen
Mizoram Police te chuan Mizoram mipuite chu an thu thehdarh ah fimkhur tura chahin, inthlanpui muanawm kan neih theih nan \anrual \ul an tih thu an sawi.
Mizoram CEO, SB. Shashank-a Delhi-ah chhuakin ECI Team in naktuk-ah Mizoram tlawh leh dawn
NGO Co-Ordination Committee-in Mizoram chhuahsan tura an phut Mizoram Chief Electoral Officer (CEO), SB. Shashank-a chuan nimin khan Lengpui Airport a\angin Mizoram a chhuahsan.
NPP Ticket in Hmingdailova
Tuirial biala Congress Party Ticket-a \um hnih thlantlin tawh, Hmingdailova Khiangte chuan kumin a Assembly inthlanpui neih tur chu a bial ngai ah hian NPP Ticket-in a ding dawn.
Nomination file kim beisei
Mizoram Assembly inthlanpui neih tur atan Vawiin hian inthlan chuh tum tam ber te chuan Nomination an file beisei a ni a,
Hnam Hnatlang neih leh a ni
Mizoram NGO Co-Ordination Committee huaihawta Hnam Hnatlang neih chu nimin khan chhunzawm leh niin chawhnu dar 12:45 khan he Hnam Hnatlang hi tihtawp a ni.
MKHC in mipuite ngen
Mizoram Kohhran Hruaitute Committee (MKHC) chuan Social Media hrang hranga thu-ziak leh lemziak thehdarh ah mipuite fimkhur turin an chah.
MZP hruaitute ZPM Office-ah lengin hmalak an tumna hrang hrang an sawipui
Mizo Zirlai Pawl (MZP) chuan Mizoram Assembly inthlanpui neih tur pualin Mizoram chhunga Political Party hrang hrangte kawmkual an tum a. Nimin khan Aizawl-a Zoram Peoples’ Movement (ZPM) Office-ah lengin ZPM hruaitute nen inkawmna neiin ZPM hmalak tum dan hrang hrang an sawiho.
ZPM in NGO te hmalakna an thlawp thu an sawi
Zoram Peoples’ Movement (ZPM) chuan All NGO Coordination Committee in Mizo Hnatlangpui a koh hial ngaia kan hnam leh ram, Sakhuana thleng a ngaihtuahawm khawp a tluchhe mek chu pawi an tih thu nimin khan thuchhuah siamin an tarlang a.
Jt. NGO ngenna anga inhnuhdawh hniallo
Mamit District chhung Hachhek Constituency-a PRISM Party Official Candidate atana ruat, Eddy Zosangliana Colney chuan Hachhek bial chhunga Jt. NGO te ngenna angin a \ul phawt chuan inhnuhdawh a hreh loh tur thu a sawi.
Ram hrang hrang a\anga lo kal ten Larsap an kawm
Khawvel ram hrang 10 a\anga lokal, India chhulchhuak ramdang mi nihna nei tawh \halai 39 te chuan niminpiah tlai khan Aizawl-a Raj Bhavan-ah Mizoram Larsap, Kummanam Raja-sekharan chu an kawm.
Aizawl-ah Hnam Hnatlang pui neih a ni
NGO Co-Ordination Committee huaihawta Hnam Hnatlang pui ber chu nimin khan Aizawl Treasury Square-a Chief Electoral Officer pisa tual, Raj Bhavan bulah hman a ni.
Inremna la nei theilo
Mizoram Chief Electoral Officer duhlohna entirna neih mekah a hmuna thil awmdan zirchiang tura Election Commission of India mi tirh pathum, Jharkhand CEO, Lalbiaktluanga Khiangte kaih-hruaite chuan nimin tlai khan Aizawl rawn thlengin nimin tlai vek khan NGO Co-Ordination Com-mittee hruaitute chu CS Conference Room-ah an kawm nghal a.
Party te inbuatsaih mek
Mizoram State Assembly inthlanpui neih tur atan Serchhip-ah pawh Political Party hrang hrangte an inbuatsaih mek zel a.
Kolasib-ah boruak sosang
Nimin a Mizoram khawpui hrang hranga NGO Co-Ordination Committee ten Mizoram CEO chhuah phutna an lantir laiin Kolasib-ah chuan an District Election Officer in Tripura Bru Transit Camp-a Tuikuk 500 vel Roll a thun thar nia hriat paih turin DEO an phut a, DC Office ah NGO Coordination hruaitute hi lutin boruak pawh a lum hman \ep a, mahse DC chuan heng mite hming hi cancel a tiam hnuah boruak a dai leh nia hriat a ni.
NCP Candidate puang
National Congress Party (NCP) Mizoram Unit chuan Assembly inthlanpui lo awm turah Constituency 5 an chuh dawn tih sawiin, nimin khan an candidate turte hming an puang.
FMGE&W leh MCSA ten Mizoram CEO laka an lungawilohna thu an auchhuahpui
Mizorama Sawrkar hnathawk zawng zawng intelkhawm, Federation of Mizoram Govern-ment Employees & Workers (FMGE&W) chuan Chief Election Commisioner hnenah na taka lehkha thawnin, inthlanna buaipui tura Mizoram sawrkar hnathawkte a ringtawk lo anih chuan state pawn lam a\anga inthlan buaipuitu tur thawnluh dan ngaihtuah turin an ti a, November ni 11 hmaa Mizoram CEO nilai Shashank-a sawn chhuah a nih loh chuan Election Commission thawhpui an tum loh thu an thlen.
Serchhip-ah Hnam Chhan Hnatlang neiin Serchhip mipui ten an thlawp \ha hle
Nimin November 6, 2018 khan Mizoram hmun hrang hrangah NGO Co-Ordination Committee huaihawtin Mizo Hnam Chhan Hnatlang neih a ni a, he hunah hian Election buaipuitu sawrkar hnathawk te Pisa kai tur dan niin Serchhip-ah pawh he hnatlang hi neih niin mipui \hahnem tak an pungkhawm a ni.
CEO chhuak tura phutin naktuk-ah YMA duty tum
Mizoram-a NGO Co-Ordination Committee in Mizoram Chief Electoral Officer (CEO), SB. Shashank chhuak tura an phutna kal zelah an huntiam Vawiin tlai dar 5:00 hmaa Mizoram a chhuahsan lo a nih chuan naktuk (Thawhlehni) zing dar 8:00 a\angin Central YMA chuan Aizawl-a Election Office kai tur dang turin an rel.
MLA nilai S. Dinga boral
Lunglei South bialtu MLA, S. Laldingliana chu Inrinni zing khan Cancer vangin a boral a, Inrinni vek khan vuiliam nghal a ni.
Expenditure Observer biak theih
Election Commission of India in Serchhip District tana Expenditure Observer atana a ruat, Divakar Chakravarty, IRS chuan Serchhip rawn thleng tawhin hma a la mek zel a.
Nomination File mek zel
Mizoram Assembly inthlanpui neih tur atan Serchhip District-ah Nomination File an awm zel a,
Congress Campaign Office
Mizoram Assembly inthlanpui neih tura Congress Party in Campaign Office an buatsaih chu Inrinni zing khan Serchhip Block Congress Committee President, PC. Vanlalsawma chuan a hawng.
NGO ten ‘Hnam hnatlang’ nei turin ruahmanna siam
Nimin, Nov. 4, 2018 (Pathianni) tlai dar 3:00 khan Serchhip-a tlawmngai pawl hrang hrang- YMA, MUP, MHIP, MZP leh MSU hruaitute chuan Serchhip Sub-Hqrs. YMA Office-ah Emergency Meeting neiin NGO Co-Ordination Committee in Mizoram CEO, SB. Shashank chhuak tura an phut mek chungchang an sawiho a.
MLA Election-a Serchhip District-a Expenditure Observer in EEM Team te a kawm
MLA General Election lo awm tura Serchhip District tana Election Commission of India in Expenditure Observer tura a ruat, Pu Divakar Chakravarti, IRS chuan Serchhip rawn thleng tawhin Inrinni khan Serchhip District-a Election Expenditure Monitoring (EEM) team hrang hrangte meeting a neih pui nghal.
Serchhip bial-a ZPM Candidate turin Bial tana hmalak a tumna hrang hrang a puang
Zoram Peoples’ Movement (ZPM) chuan Inrinni khan Serchhip Bazar-ah Mual Inkhawm buatsaihin he hunah hian Serchhip bial-a an Candidate, Lalduhoma chuan thu sawiin Assembly inthlanpui a ZPM-a sawrkar hnua Serchhip khawpui tana hmalak an tumna hrang hrang a puangzar.
BJP Candidate puan belh
BJP Mizoram Pradesh chuan nimin khan Assembly inthlanpuia an Candidate tur puang lehin Serchhip bial-ah C. Lalchunglura chu a ding ang.
Mizoram CEO chhuah phut
Mizoram NGO Co-Ordination Committee chuan Mizoram CEO chu inthlan kaihhnawih buaipui zui tlakah an ngaih loh thu an sawi.
Serchhip-ah Inspection nei
Mizoram-a Commissioner of Excise, Ngurchungnunga Sailo chuan nimin khan Serchhip rawn tlawhin Annual Inspection a nei a. Commissioner of Excise hi Serchhip-a Assistant Commissioner, R. Laldinsanga chuan Bukpui-ah lo dawngsawngin Inspection Parade neih a nih hnuah Serchhip-a Excise Office-ah inkawmna neih zui a ni a, Serchhip-a Department hotute chuan an mamawh hrang hrang leh Quarters cheibawl ngai te an lo thlen bawk a ni.
ZPM CM Candidate in Nomination Paper thehlut
Serchhip bial-a Assembly inthlanpui chuh turin ZPM Chief Ministerial candidate, Lal-duhoma chuan nimin khan he inthlanna Returning Officer tur, Sangchhin Chinzah hnenah Nomination a file.
Mizoram Assembly inthlanpui neih tur atan hriattirna tihchhuah a ni ta
Election Commission of India chuan seat 40 awmna Mizoram Legislative Assembly inthlanpui hriattirna nimin khan a chhuah a, Party hrang hrang candidate te hming thehluh hun chu karleh Zirtawpni, Nov. ni 9, 2018 thleng khian hawn a ni anga, inhnukdawk duh tan ni 14 thleng hun hawn a ni ang.
Inthlanpui neih tur inbuatsaihna hrang hrang DEO leh SP in thuthar thehdarhtute an sawipui
Serchhip District Election Officer, Sangchhin Chinzah leh SP, R. Sathiyasundaram te chuan nimin khan Serchhip-a thuthar thehdarhtute kawmin Assembly inthlanpui neih tur atana Serchhip District-a inbuatsaihna hrang hrang kalpui dan an hrilhfiah.
Hriattirna chhuah dawn
Tun thla ni 28-a Mizoram Assembly inthlan-pui neih tur atan Vawiin hian Assembly bial 40-a Returning Officer te chuan hriattirna an tichhuak dawn ta a, hetianga hriattirna an tichhuah a\ang hian Assembly inthlan chuh tumte tan Nomination File theih nghal a ni bawk ang.
Serchhip leh Thenzawl-ah Flag March neih leh a ni
Assembly inthlanpui neih tura Serchhip-a duty tura rawn kal Police te chuan nimin khan Flag March nei lehin Serchhip leh Thenzawl khawlai an fangkual.
EVM hman tur thliarfel ta
Assembly inthlanpui neih tura Serchhip District chhunga Electronic Voting Machine (EVM) leh Voters Verifiable Paper Audit Trail (VVPAT) hman turte thliarfelna hmasa ber chu nimin khan neih a ni.
MCMC in Serchhip District chhunga Media kaltlanga inthlan campaign uluk takin an vil mek
Mizoram Assembly inthlanpui lo awm tur atan Serchhip District chhunga Media hrang hrang hmanga campaign-na te chu Media Certification & Monitoring Committee (MCMC) chuan uluk takin an enfiah mek.
Chhiahtlang-ah MNF in mithar an lawmlut
Nimin khan Chhiahtlang Group MNF huaihawtin mithar lawmluhna neih a ni a, he hun hmanpuitu bialtu MLA, Er. Lalrinawma chuan, “MNF kan sawrkar chuan Zoram mipui natna kan tidam ang,” a ti.
MPCC in Election Manifesto an tlangzarh Mamawh tan NLUP kan sem zel dawn - Lal Thanhawla
MPCC chuan kumin '2018 MLA Election Manifesto' leh 'Mizoram Hmasawnna Lamtluang' lehkhabu chu nimin khan Aizawl-a Vanapa Hall-ah an tlangzarh a, he hunah hian MPCC President, Lal Thanhawla chuan mamawh an awm chhung chuan NLUP an sem zel dawn tih sawiin, NLUP-ah sum kawngbo a awm an hriatloh thu a sawi bawk.
Video Conference nei
MLA General Election neih tur atana in-buatsaihna kal zelah nimin khan Assembly Constituency hrang hranga Returning Officer leh Asst. Returning Officer ten Video Conference an nei.
Police ten Flag March nei
Assembly inthlanpui neih tura Serchhip a duty tura rawn kal, Assam Armed Police te chuan nimin khan Serchhip khawpui chhung Veng hrang hrangah Flag March an nei.
Serchhip-ah Rashtriya Sankalp Diwas hmangin zirlai ten kawng zawhin thutiam an chham
Nimin khan Serchhip-ah Rashtriya Sankalp Diwas, National Re-Dedication Day pualin zirlai ten kawng an zawh a, Serchhip Bazar-ah intawh-khawmna neiin hun hman a ni.
NPP Candidate turin Serchhip bial fang zui
Serchhip Bial-a NPP Official Candidate tur, Kapliana Pachuau chuan nimin khan Thenzawl leh Buangpui tlawhin hmalak a tum dan te a puangzar.
Kawng \ha kan neih theih nan ZPM-|angrual Pawl vote vek turin ka ngen a che u - Lalduhoma
ZPM chuan nimin khan Serchhip Bazar-a an Campaign Office-ah mithar lawmluhna hun hmangin he hun hi Serchhip biala an Candidate tur, Lalduhoma chuan a hmanpui a. He hunah hian ZPM Chief Ministerial Candidate, Lalduhoma chuan, "Mizo mipuite Silchar la pel lo zawng zawng te kawng \ha kan neih theih nan ZPM-|angrual Pawl vote vek turin ka ngen a che u," a ti.