MP (LS) in BRO hotu a hmu

Mizoram Lok Sabha MP C. Lalrosanga chu nimin khan New Delhi-a Border Roads Orga-nisation (BRO) hmunpuiah lengin BRO Director General, Lt. General Rajeev Choudhary chu Mizoram a ramri hnaih kawng sial leh siam that hna chungchang a sawipui.

He hunah hian Lok Sabha MP chuan Kawnpui-Durtlang-Aizawl kawngpui KM 10.25-a thui-a Durtlang Leitan-Sihphir kawng zauh leh siamthatna hna Mizoram PWD kuta hlanna tur pawh tifel thuai turin BRO DG chu a ngen a, DG chuan he kawng enkawlna hna hi PWD kuta hlanfel thuai tum a nih thu a sawi a ni. Hei bakah hian Hnahthial-Sangau-Siaha kawngpui-a Chhimtuipui Lui chunga Lei dawhna tur ruahman mek a ni a. He lei panna KM khat-a thui kawng siam hna tiamin Lei dawhna hna leh a kaihhnawih hna te atan cheng vbc. 75 ruahman niin, Mizoram sawrkar atanga ram leh ramngaw hman phalna dawn a nih veleh sawrkar laipui-ah sum mamawhte nawr zui nghal a ni ang, a ti bawk.

Heng bakah hian Lok Sabha MP chuan Myanmar leh Bangladesh ramri hrul leh ramri pawhna kawngte sial leh siamthat a tul thu BRO hotu hi a hrilh a. Chutiang atana tul ang angte chu  Ministry of Defence hotute hnen lama thlen hmasa zel turin DG chuan a lo ngen a ni.