Thenzawl-ah Kawlphetha Kutpui hman a ni

Serchhip District chhunga ‘Ujjwal Bharat - Ujjwal Bhavishya Power@2047’ chungchang inhrilhhriatna neih mek chu nimin khan Thenzawl Bazar Veng-a Joint YMA Hall-ah neih chhunzawm leh a ni a, he hun hi District Bawrhsap Nazuk Kumar IAS chuan a hmanpui a ni.
Nimin-a ‘Kawlphetha Kutpui’ ah hian Bawrhsap Nazuk Kumar chuan mihring te nitin khawsakna kawng hrang hrangah kawlphetha pawimawhna leh tangkaina sawiin, kawlphetha chu kan mamawh zel tur a ni tih a sawi a, kan mamawhna phuhruka tur leh kan mamawh khawp kawlphetha kan neih theih nan sawrkar laipui chuan hmalakna ropui tak a kalpui mek thu leh hemi kawngah hian mitinin sawrkar hmalakna an theihna zawn theuha an tawiawm a pawimawh thu a sawi bawk.

Nimin-a Thenzawl-a ‘Kawlphetha Kut’ hmanna ah SDO (Civil) Beithlotha Nohro bakah P&E Serchhip Division-a Sr. EE, Er. Laltlanthanga te pawhin thu sawiin, he huna tarlan a nih danin India ramin kawlphetha kan mamawh tam lai ber, kumin May thla a kan mamawh chu MW 2,15,888 niin niin kan siamchhuah erawh MW 2,07,231 a ni thung a. Mizoram-ah chuan kawlphetha kan mamawhh san lai berin MW 155 mamawh niin tunah hian Mizoram hian MW 60 vel a siam ve thei tawh bawk a ni. Nimin-a Thenzawl-a he hun hmanna ah hian kawlphetha siamchhuah, renchem leh mipui chanvo inhrilhna tur lemchan chi hrang hrang te entir niin sawrkar in a thlawna Kawlphetha a pek te atangin thusawi ngaihthlak a ni bawk.