March 14, 2022 hnua hri kai hmuh tam ber ni thleng

Niminpiah khan Mizoram-ah COVID-19 hri kai mi 280 zet hmuh belh niin kumin March 14 hnu lama ni khat-a COVID-19 hri kai hmuh tam ber tum a ni.

Niminpiah khan Mizoram-ah Sample 1010 enfiah leh niin heng atang hian COVID-19 hri kai mi 280 te hi hmuh an ni a, Sample enfiah atanga chhutin za zela 27.72 te chuan hri hi an kai a ni. Niminpiah a COVID-19 hri kai hmuhchhuah te hi Rapid Antigen Test hmanga Sample enfiah 1002 atanga hri kai te vek an ni a, an zinga 100 te chu Aizawl District-a hri kai hmuhchhuah niin Serchhip District-ah 59, Lunglei District-ah 54, Mamit District-ah 36, Saitual District-ah 10, Kolasib, Champhai leh Hnahthial District-ah mi pathum theuh leh Siaha District-ah mi pahnih te an ni. Niminpiah khan ZMC-a RT-PCR Laboratory-ah Sample enfiah 8 awmin hri kai hmuhchhuah an awm lo thung a ni.

Nimin khan Lawngtlai tihloh District dang zawngah COVID-19 hri kai enkawl dam awmin Mizoram pumah hri kai enkawl dam mi 303 an awm a, heti hian nimin tlai dar 5:00 thleng khan Mizoram-a CO-VID-19 hri kai hmuhchhuah tawh chu 2,30,926 niin an zinga 2,29,475 te chu enkawl dam an ni tawh a, hri kai hmuhchhuah atanga chhutin za zela 99.37 te enkawl dam ni tawhin hri kai enkawllai mi 745 an la awm a, hri kai zingah mi 706 an boral tawh bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man