ASF vangin Vawk 2 thi leh

Nimin khan Serchhip District-ah ASF vanga Vawk thi pahnih awmin Vawk 13 suat leh a ni bawk. Nimin a Serchhip District chhunga African Swine Fever (ASF) avanga Vawk thi te hi East Lungdar khuaa mi te ve ve an ni a, East Lungdar-ah bawk hian nimin khan Vawk pakhat chu suat leh a nih bakah Khawlailung-ah Vawk 12 suat a ni bawk. Heti hian nimin thleng khan Serchhip District-a ASF vanga Vawk thi chu 215 a tling ta a, ASF hri lenna hmuna Vawk suat pawh 235 a tling  tawh bawk a ni.