EE kalchhuak tur an thlah

PHE Serchhip WATSAN Division-a Sr. Executive Engineer Er. F. Lalsanglura chu Aizawl ah sawn a nih tak avangin MJA Serchhip District te chuan nimin khan thlahna hun an hmang.
Nimin a Er. F. Lalsanglura thlahna hun a Pisa-a MJA ten an neih hi an Vice President Lalremruata Ralte chuan kaihruaiin Treasurer C. Ramengawia chuan thlahna thilpek a hlan a, MJA Serchhip District President C. Lalhminghlua chuan Er. F. Lalsanglura chu thawhpui nuam a nih thu leh MJA te thawhpui duh mi a ni chu lawmawm a tih thu a sawi a. Serchhip-a a awm laia PHE Department hmasawnna leh District ah hmasawnna tam tak hmuh theih a a awm leh khaw thenkhat in National Award hial an dawng te chu ropui a tih thu a sawi bawk.

He hunah hian Er. F. Lalsanglura pawhin Serchhip-a a awm chhungin Pathian malsawmna tam tak dawngin achievement hriatreng tlak tam tak a tawn thu te leh thawhpui tha tak tak a neih vang leh Department a thawkte inlungrual vanga chung thil te chu tawnga thleng thei a nih thu a sawi a, Department staff te leh MJA te thawh-puina avangin lawmthu a sawi bawk a ni.


Nimin vek khan Serchhip District Volleyball Association chuan Er. F. Lalsanglura hi a Pisa-ah thlahna hun an hmang bawk a, he hun ah hiaan SDVA President K. Tlangthanmawia chuan Er. F. Lalsanglura chu Volleyball Association ten harsatna an neih a hnena an thlen apiang tlanchhe lova tih hlawhtlin sak thintu a ni tih a sawi a. SDVA Sr. Vice President VL. Hruai-tluanga pawhin Serchhip-a Volleyball Court hrang hranga an mamawh a ngaihtuah sak thinna ah Er. F. Lalsanglura chungah lawmthu sawiin, SDVA-a EM Lalmuanawmi chuan thlahna thilpek a hlan bawk a ni.

He hunah hian Er. F. Lalsanglura pawhin an hna chu mipui rawngbawlna a nih angin mipui te tan theihtawp chhuah zel a tum thu leh thawhhona tha tak an nei chu lawmawm a tih thu a sawi bawk.

Comments

Popular posts from this blog