MHIP General Hqrs. hruaitu thlanna nei

/

Mizoram-a Hmeichhe insuihkhawmna pawl lian ber, Mizo Hmeichhe Insuihkhawm Pawl (MHIP) General Hqrs. chuan nimin khan kum 2022-2025 chhunga hruaitu tur thlanna an nei.

Hun hmasa lama MHIP General Hqrs. hruaitu thlan chungchangah buaina neuh neuh a lo awm tawh thin avang leh Court-a thubuai kallai mek te a la awm avangin Civil Judge Court, Aizawl chuan inthlanna neih tur chungchangah Administrator tur a ruat a, Administrator hian inthlanpui turin Mizo Zirlai Pawl (MZP) ruatin nimin khan Aizawl Vanapa Hall-ah inthlanna hi neih a ni a, Returning Officer (RO) ah MZP President Lalnunmawia Pautu ruat niin Recording Secretary-ah MZP General Secretary awmin MZP atanga an inruat Polling Officer ten inthlan hi an buaipui bawk a ni. He inthlanna ah hian President-ah Ngurmawii Sailo (Kanan Veng); Vice President-ah B. Sangkhumi (Chaltlang South); General Secretary-ah Lalliani (Khatla); Assistant General Secretary-ah F. Lalramliani (Upper Republic); Treasurer-ah K. Lalliantluangi (Chaltlang Lily Veng) leh Finance Secretary-ah C. Chuaudingliani (Chanmari West) te thlantlin an ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »