I-Day Football khelh chhunzawm a ni

/

Independence Day Football Tournament, Division Screening ni bawk chu nimin khan khelh chhunzawm niin Vawiin hian 1st Division ten an match hmasa ber an khel ang.

Serchhip District Football Association (SDFA) buatsaih Independence Day Football Tournament hi Serchhip Sports Complex-ah khelh mek niin nimin khan 2nd Division ten an khel chhunzawm leh a, nimin a inkhel hmasa berah Group C atangin Chanmari FC leh New Serchhip FC te chu goal hnih ve ve inpe in an inhnehtawk a, Chanmari FC tan Ramdinzela chuan goal khat a khung bakah K. Malsawmzuala chuan goal hnih a khung a, New Serchhip FC tan MS, Dawngzela, Lalnunfela leh Vanlalhriatpuia ten goal khat theuh an khung bawk. Group C inkhel dangah Field Veng FC in Chhekhnai FC chu 4-1 in an hneh thung a, Field Veng FC tan Lalhmingliana Kawlni in goal hnih khungin Lalruatkima chuan goal khat a khung a, Chhekhnai FC player Vanlalrempuia chuan an lamah goal khat a tilut a, Chhekhnai FC tan Lalhriatzuala chuan goal khat a khung bawk a ni.

Nimin-a Group D inkhel ah P&E Veng FC in Dinthar FC chu 3-0 a hnehin Moses Vanlalduhsaka chuan goal hnih a khung bakah Lalromawia chuan goal khat a khung bawk a, Keitum FC-II in Bung-tlang Chhim Veng FC chu 3-1 a hnehin Keitum FC-II tan Lalrinpuia chuan goal hnih a khung bakah Rodinpuia chuan goal khat a khung bawk a, Bungtlang Chhim Veng FC goal awmchhun hi PC. Lalchhanchhuaha khung a ni thung.

Vawiin hian 1st Division Team 8 ten an match hmasa ber an khel theuh dawn a, tarlan tawh angin 1st Division te hi Round Robin League hmanga inhmachhawn tur an nih avangin match hmasa ber atang hian a pawimawh chho vek dawn a ni. Chawhma dar 10:00-ah inkhelh tan a ni anga, FC Serchhip Kawnpui leh Bungpui FC Hriangtlang inkhel hmasa berin New Serchhip FC leh Chanmari FC an inhmachhawn leh anga, Vengchung FC leh Chhekhnai FC inhmachhawnin AWC FC leh Hmar Veng FC te an inhmachhawn bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »