MZU Southern Campus din thuai a nih theih dan tur chungchangah sawrkar laipui-a Minister te dawr

Mizoram Youth Commission (MYC) Chairman leh Higher and Technical Education Board Vice Chairman Dr. Vanlaltanpuia MLA chuan Union Minister of Education Darmendra Pradhan chu Zirtawpni khan a Pisa-ah hmuin MZU Southern Campus chungchang a sawipui.

Union Minister of Education a kawmna ah hian Dr. Vanlaltanpuia chuan Mizoram mipuite, a bik takin chhim lam mipuite'n MZU Southern Campus din hi kum rei tawh tak atanga an beisei leh nghahhlelh em em anih thu leh chumi atana a thuphunga remtihna chu Ministry atanga an hmuh tawh thu leh an lawmzia a hrilh a. He lehkha in a phut anga University dinna tur ram (Land) ngaihtuah tura tihna pawh State Sawrkarin a bial, Lunglei North chung Pukpui Mausep ram-ah a ngaihtuah fel tawh thu leh Class tan lailawkna atan Mizoram Engineering College building sak zawh tawh hman tum anih thu leh Chief Minister Zoramthanga thahnemngaihna a a panna kawng (Approach Road), Tui connection leh Electric supply te pek tuma hmalak mek anih thu te a sawi bawk.

Hetihlai hian Ministry lam atanga he University hi amaha inchawm (self finance) tur zawnga hriattirna MZU hotute'n an dawn thu leh chu chu State rethei Mizoram tan chuan thil theih loh leh harsa tak anih thu Higher and Technical Education Board Vice Chairman chuan a thlen a. MZU chu Central University anih anga Central sum hmanga enkawl anih laia South Campus bik Self Finance tur ang ngaihtuah chu thil awmlo leh in mil lo tak a nih thu Minister hi a hrilh a. Heng an harsatna tawh te hi lo en tha tura ngenna lehkha Chief Minister Zoramthanga DO Letter leh H&TE Minister Dr. R. Lalthangliana DO Letter a pe nghal a ni.

Union Minister chuan he an harsatna te hi a lo enzui ngei tur thu leh Chief Minister pawhin a rawn biak tawh thu a lo hrilh a. MHRD Secretary leh Officials te ko nghalin he harsatna hi ngun taka bawhzui turin a hrilh a, a theih anga hetiang Centre nei dang University te pawh zirchianga umzui turin thu a pe a ni. Hemi chungchangah hian Ningani khan Mizoram Rajya Sabha MP K. Vanlalvena nen Union Minister of State for Education RK. Ranjan Singh chu a chenna In ah hmuin Minister chuan lehkha pawimawh te a hneha thehlut turin a lo ti bawk a ni.

Comments

Popular posts from this blog

Tukverh-a tlasual boral